Stabilimenta Rhodiorum militum - Synopsis

based on the older manuscript tradition as well as on the French and Latin versions

© Jyri Hasecker, Hamburg / Jürgen Sarnowsky, Hamburg (2007/2022)

2366-Collations 2

Enacted by the chapter general at Rhodes 12 September, 1344.

NLM Arch. 69, fol. 18r.
Item pro evitandis dissensionibus et observandis consuetudinibus bonis nostris statutum est, ne decetero baiulie et preceptorie ac domus conferantur sub expectatione in nostra religione, sed cum nonnulle ex ipsis vacabunt, quod magister cum consilio procerum conventus unam ex illis, quam maluerit, in quolibet prioratu seu baiulia capituli generalis anno quolibet sufficienciori et plus benemerito fratri in conventu residenti possit et debeat conferre secundum bonos usus domus. Et si amplius ex baiuliis non vacaret quam una, quod prior seu baylivus per capitulum generale de consilio procerum in suo capitulo per modum premissum de illa possit et debeat ordinare. Verumtamen priores seu baylivi notificare tenentur magistro baiulias sive domos vacaturas intra anneam, de quibus seu de qua ordinare non possint, quousque magister disposuerit de illa, que sibi magis placuerit per modum superius expressatum. Omnis enim prior vel baylivus per capitulum generale, qui contrafecerit, sit in xl. Si vero nonnulle littere aliquibus fuerint sub expectatione concesse, nisi possessionem obtineant, ille sunt per presens capitulum revocate.

Supplemented by the chapter general at Rhodes 2 March, 1352.
Cf. 2368-Collations 4.

Supplemented again by the chapter general at Rhodes 19-29 July, 1354.

NLM Arch. 69, fol. 20r.
Item statuto magistri Elioni continenti, quod magister possit in quolibet prioratu de una baiulia fratribus in conventu degentibus anno quolibet providere, additum est, quod ultra hoc magister possit disponere cum consilio procerum de omnibus preceptoriis preceptorum decedentium citra mare.

Supplemented again by the chapter general at Rhodes 18 February, 1357.

NLM Arch. 69, fol. 21r.
Item statutum magistri Elioni, quo cavetur, quod magister de una ex vacantibus baiuliis, quam maluerit, in quolibet prioratu annuatim valeat providere, est intellectum et per presens capitulum declaratum, quod magister possit de cabimento unius ex preceptoribus defficientibus in prioratu quolibet, quem maluerit, annis singulis providere. Ideoque, si preceptor ipse tenuerit pro cabimento suo unam vel duas aut plures baiulias, statutum est, quod magister possit omnes illas conferre uni vel duobus aut pluribus fratribus conventus cum consilio procerum iuxta tenorem supradicti statuti.

Supplemented again by the chapter general at Avignon 5 March, 1367.
Cf. 2370-Collations 6.

Impressed by the chapter general at Rhodes 17 November, 1454.

BNCF Ms. Magl. cl. XXXII, 37, fol. 84r.
Item revocant supradicti [capitulum generale celebrantes] omnes collationes et donationes expectativas iam factas, prohibendo et ordinando ne amodo fiant tales collationes sive donationes expectative nullo modo secundum quod continetur in stabilimento magistri Helionis de Villanova super his confecto [...].

Next Collations 3 | Back to the Contents