Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2317-Brethren 44
--> French version
--> Latin version
Enacted by the chapter general at Rhodes 23 April, 1433.
BNCF Ms. Magl. cl. XXXII, 37, fol. 64r-v.
De fratribus, qui facient impetrationem
Item pro conservatione totius nostre religionis et conventus Rodi situati in liminibus inimicorum fidei est neccessitas habere fratres pro manutentione ipsius, repulsione dictorum inimicorum et conservatione fidelium existentium in partibus orientalibus. Qui fratres veniunt ad dictum conventum ad servitium dei et dicte religionis sub spe essendi provisi bonis, dignitatibus, officiis et beneficiis ipsius, que propter hoc sunt deputata et ordinata, quod nullus tenetur servire sine remuneratione, nam quilibet mercennarius dignus est (mercennarius) mercede sua. Pro dando cor et animum omnibus bonis religiosis veniendi huc bene [et] obedienter servire [read: servituris] et repugnare [read: repugnando] cor, animum et voluntatem sinistrorum et fessorum (corde et animus) ad servitium dei et religionis, et de presenti auctoritate istius presentis capituli generalis est ordinatum et stabilitum, quod omnis frater, qui de cetero faciet de se vel faciet fieri per alium vel acceptabit impetrationem de dignitate, beneficio et officio quocumque nostre religionis extra ipsam et ultra ordinationem et stabilimenta ipsius, si non inmediate renuntiet et quod appareat dare per instrumentum vel documentum autenticum de resignatione, sit privatus ipso facto omnibus dignitatibus, officiis, beneficiis, stipendiis, soldeis, mense et preheminentiis quibuscumque, et numquam sit in dicto conventu sibi computata neque data antiquitas, sed tractetur et puniatur ut rebellis et inobediens, si huiusmodi dignitatem, officium et beneficium in contemptu religionis et stabilimentorum huiusmodi petierit petitumque acceptaverit.
Next Brethren 45 | Back to the Contents