Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2318-Brethren 45
--> French version
--> Latin version
Enacted by the chapter general at Rhodes 23 April, 1433.
BNCF Ms. Magl. cl. XXXII, 37, fol. 65r.
De hiis, qui vi tenent beneficia religionis
Item quia per predecessores nostros, magistrum Ferrandi de Heredia(a) et magistrum Philibertum de Nailliaco(b), fuerit propter evidens commodum et utilitatem nostre religionis ad refrenandam inobedientiam aliorum inobedientium religiosorum provisum contra illos, qui sine iusto titulo vi detinent preceptorias, dignitates, officia et beneficia nostre religionis, penam habitum amittendi illis imponendo, qui sic eas detinent, et dare possessionem his, qui a nobis et nostro conventui secum bullas portant et provisiones, auctoritate huius presentis generalis capituli adiunctum est, quod casu, quo prior non possit gaudere de dicto fratre sic vi et inobedienter easdem dignitates, offitia et benefitia retinente, quod possit invocare et petere adiutorium brachii secularis ad expellendum dictum violenter detentorem et in possessionem illum ponere, qui per nos et nostrum conventum provisus erit. Quia in Anglia prior nostri prioratus super hoc meliorem habet occasionem providendi quam plures alii, cum ibi non sit aliqua vel modica fortilitia in domibus nostre religionis, iterum adiungimus dicto stabilimento, quod prior Anglie teneatur dare possessionem cuicumque fratri, qui de nostro Rodi conventu recedet ex [read: de] aliqua preceptoria provisus, que[cum]que sit illa; ita tamen quod dictus frater requiserit et possit monstrare autentice requisisse dictum violentum detentorem, ut sibi daret possessionem sue preceptorie vel sui benefitii aut offitii, et in casu, quo per dictum priorem esset aliquis defectus, quod sit privatus una suarum camerarum, que recommendabitur fratri sic per nos et conventum nostrum dictum proviso.
(b) Enacted by the chapter general at Aix-en-Provence 20 May, 1410, cf. e.g. BNCF Ms. Magl. cl. XXXII, 37, fol. 47v.
Next Brethren 46 | Back to the Contents