Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2267-Priors 18
--> French version
--> Latin version
Enacted by the chapter general at Rhodes 23 April, 1433.
BNCF Ms. Magl. cl. XXXII, 37, fol. 61v-62r.
De reparatione domorum religionis
Item quamvis diversa stabilimenta fuerint ordinata et facta super reparatione domorum nostre religionis(a), que – (non) causante non visitatione illarum – in pluribus et diversis locis vadunt in ruinam et totalem desolationem et destructionem, et nos volentes super hoc tota nostra mente providere auctoritate huius presentis capituli statuimus et ordinamus, quod visitatores [read: visitationes] diligentissime secundum continentiam dictorum stabilimentorum et sub pena contenta in ipsis de hoc facientium expressam mentionem facit [read: fiant]. Et pro reparando et elevando et redificando dictas domos ruinatas et [illas], que indigent reparatione, per priores vel suos commissos, quando visitabunt dictas domos, et per receptorem, quando visitabit cum quatuor fratribus, ut continetur in dictis stabilimentis, visitantes cameras priorales capiantur redditus dictorum domorum et – primo facto divino offitio, hospitalitatibus et elemosinis solitisque responsionibus et debitis nostro comuni thesauro pro substentatione nostri conventus [factis], vita priorum substentata et preceptorum et bailivorum, quorum erunt dicte domus – sine differentia ponantur dicti redditus ad reparationem dictorum domorum. Et ad hoc faciendum oneramus dictos priores vel suos commissos, receptores et fratres visitantes sub pene privationis suarum dignitatum, beneficiorum, officiorum et administrationum, quarum provisio sit ad nostram nostrique conventus collationem.