Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2260-Priors 11
--> French version
--> Latin version
Enacted by the chapter general at Rhodes 19 September, 1420.
BNF Ms. franç. 17255, fol. 49v-50r.
Quod debeant visitare [read: visitari] camere priorales per duos notabiles viros
Item ne defectu visitationis camere priorales et castellanie Emposte in ruinam veniant in futurum, super premissis(a) stabilitum est, quod amodo de triennio in triennium duo probi homines – preceptores bene solventes suas responsiones et cetera debita nostro communi thesauro – eligantur in capitulo provinciali auctoritate tam spiritualibus quam temporalibus et tam in capite quam in membris huius presentis capituli generalis pro visitando cameras generales [read: priorales] et prefate castellanie Emposte. Duo visitatores, qui, ut ipsis prioribus et castellano nimium gravem expensam non faciant, ad plus de sex equis non debeant visitare sed ad minus bene secundum qualitatem prioratuum. Et si quid invenient, quod reparatione indigeat, ponant et redigant fideliter inscriptis et priori vel castellano referant in aliorum duorum vel trium notabilium preceptorum presentia ipsum requirendo, quod super inventos defectus de quolibet ipsorum ipse incontinenti provideat de remedio oportuno secundum casus exigentiam, et quod infra certum competens tempus dicto priori vel castellano per ipsos assignandum provideatur defectibus in suis cameris antedictis. Si vero dictus prior aut castellanus per potentiam aut voluntatem inordinatam huic rei contradicat, vel in et super defectibus predictis et reparationibus debitum suum facere recuset, duo visitatores antedicti tenentur significare ad plenum, omnino et ad largum magistro et conventui, et per eos super eo provideatur de oportuno remedio ad pugnationem prioris vel castellani tamquam inutilis administratoris [!] et perseverantia in administratione damnosa. Item, ut detur occasio visitatoribus predictis faciendi debitum suum in supradicta visitatione, stabilitum est, quod, si amore vel favore illi tacerent vel celarent defectus per eosdem inventos in cameris dicti prioris vel castellani vel forsitan super eorum illicito regimine, quod deus advertat, ipsi visitatores teneantur ad duplicem responsionem unius anni et ad aliam punitionem ad discretionem thesauri.
Supplemented by the chapter general at Rhodes 23-24 May, 1428 Mai
cf. 2264-Priors 15.