Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2264-Priors 15
--> French version
--> Latin version
Enacted by the chapter general at Rhodes 23-24 May, 1428.
BNCF Ms. Magl. cl. XXXII, 37, fol. 57r.
De visitationibus et reparationibus observandis
Item cum circa predicta in rebus ordinatis multum est necessarium ad executionem earum continua visitatio in prioratibus et preceptoriis nostre religionis, et per predecessorem nostrum magistrum Philibertum de Naliaco(a) sit bene provisum et stabilitum, mandamus illa stabilimenta teneri et observari de puncto in punctum secundum eorum formam declarando auctoritate presentis capituli generalis, quod, si defectus aliqui invenientur per priores, visitatores vel alios commiss(ari)os [pro] dictis visitatoribus [read: visitationibus] [et] non essent reportati [read: reparati] infra terminum competentem datum et assignatum in eisdem visitatoribus [read: visitationibus], eo casu baiulia sive preceptoria sibi levetur per priorem cum consilio quattuor preceptorum bene solventium eorum onera, et per eumdem priorem cum consilio dictorum preceptorum quattuor provideatur et commendetur alteri fratri bene reparanti et solventi eius onera sibi imposita et imponenda. Et si prior vel bailivus, castellanus non reparabunt in eorum cameris ea, que visitatores ordinaverunt, in tempore congruo et ammittent visitare de tribus in tribus annis, pro ut est stabilitum, teneantur et reputentur pro inobedientes, et usque dum magister cum consilio providerit, non obediatur tamquam prior neque aliquem actum priorale valeat exercere. Et si preceptores, qui erunt deputati per magistrum et conventum, dictam visitationem [camerae non fecerint] vel in aliquo modo dissimularent dilatando reparationes necessarias, ex nunc pro ut ex tunc et ex tunc pro ut ex nunc teneatur et reputentur pro inobedientes et per magistrum et consilium puniantur tamquam inobedientes.