Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
264-Prieurs 15
[l6r]
Frère Philibert de Nailhac maistre
xv. Qui n’acomplira les faultes qui seront trouvées par la visitation qui se doibt faire es prieurez de quatre ans en quatre ans soit traicté comme inobédient ; et se les prieurs ne visiteront soyent reputez desobéissans.
En la visitation des prieurez est requise grant diligence et solicitude ; et convient corriger et amender les faultes trouvés affin que la visite ne semble estre frustratoire. [l6v] Et pourtant se les commandeurs visitez ne repareront ne amenderont et accompliront au terme prefix par les visiteurs les deffaulx et dommaiges trouvez en la visiation ainsi que sera enjoinct et ordonné par les visiteurs que soyent privez de leurs commanderies les quelles soyent conferiez à frères ydoines. Et se les prieurs ou aultres visiteurs députez ne feront la visiation de quatre ans en quatre ans selon la forme des establissemens incontinent soyent suspenduz de toute jurisdiction priorale et soient reputez inobédiens jusques à tant que par maistre et couvent soit pourveu ; et les autres contrefaisans soient traictés comme desobéissans.
Next Prieurs 16 | Back to the Contents