PrUB, JS 173
© Jürgen Sarnowsky, Hamburg (1999-2009)
1446 Mai 21. Marienburg.
{Regest} Hochmeister an Lübeck: Dank für die Unterstützung Lübecks für den Großschäffer Johann Reppin.
{Überlieferung}
B = OF 16, S. 96.
{Drucklegungen}
aus B J. Sarnowsky, Der Fall Thomas Schenkendorf: rechtliche und diplomatische Probleme um die Königsberger Großschäfferei des Deutschen Ordens, in: Jahrbuch für die Geschichte Mittel- und Ostdeutschlands 43 (1995), S. 187-275, hier Nr. 25, S. 249-250.
{Diplomatische Erörterung des Stücks}
Register-Überlieferung, Papier.
Der stadt Lubeck.
Ersame, wolweise und vorsichtige besunder lieben frunde, als ir uns von des ersamen und geistlichen Hans Reppin, unsirs ordins grosscheffirs zcu Konigsberg, wegen geschreben habt, wie ir den von Brucke trefflichen bey dem ersamen und geistlichen Hans vom Lichtenstein, ouch unsirs ordins und mondmeistir zcu Danczk,1) geschreben hettet, doruff euch die gedachten van Bruck ire antwort wider umbe geschreben haben, welcher antwort abeschrifft ir uns und ouch eine abeschrifft eins brieffs, den der gedachte unsers ordins grosscheffir euwir fruntschafft zcu geschreben hat, in euwirm brieffe verslossen obirgesant habet, die wir lesende wol vernomen haben.
Besunderin lieben frunde, wir dancken uwir liebe mit allem fleiße uwirs fleißigen schreibins und beweisunge an die van Brucke gethaen und besundir euwir vordere erbiettunge ken uns und die unsiren. Und nach dem ir in uwirm brieffe beruret, das der obengedachte Hans vom Lichtensteyn, unsirs ordins und mundemeistir zcu Danczk, kurczlichen zcu uns komen werde und uns aller sachen gelegenheit volkomelichen und wol undirrichten, so seyn wir sein tegelich harrende. Und nach dem wir denne der sachen gestalt vernemen werden, bitten wir uwir fruntschafft mit ganczem fleyße, ab wir uwir liebe dorumbe mehe schreibin wurden, das ir euch in den sachen ouch forder fleißig uns und unsirm ordin zcum besten beweisen und bearbeitten woldet. Das wellen wir wedder ken euwir frundtschafft verscholden, womit wir mogen.
Geben zcu Marienburg am Sonnabende vor Ascensionis Domini im 46ten jare etc.
{Inhaltliche Anmerkungen}
1) Hans von Lichtenstein, als Mündemeister 1446(und 1447) mehrfach belegt, 1448-1454 Münzmeister zu Thorn. Seine hier erwähnte Reise nach Brügge wird nochmals in Sarnowsky, Fall Schenkendorf, Nr. 31 = js178.htm angesprochen.
Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js/js173.htm) und Datum der Einsichtnahme; (2) im Druck: PrUB, JS 173 (1446 Mai 21. Marienburg.)
Bearbeitungsstand: Text eingegeben (Sarnowsky, 6.8.2002) – Datum überprüft (Sarnowsky, 6.8.2002) – Text mit PrUB oder sonst Druck kollationiert (Sarnowsky, 6.8.2002) – Text mit Or. kollationiert () – äußere Merkmale beschreiben (Sarnowsky, 6.8.2002)
Datum der Erstanlage: Sonntag, 16. Juli 1999 – Letzte Änderung: 6. August 2002 von Jürgen Sarnowsky
Zurück zur Hamburger Homepage / zurück zur Regestenliste für 1446.