PrUB, JS-JP 58

{Überlieferung}
B = OBA 475.

{Drucklegungen}
aus B Hansisches Urkundenbuch, Bd. 4 (1361-1392), bearb. v. Karl Kunze, Halle a. S. 1896, Nr. 938, S. 400-401.

{Regest}
JH I 475; Hanserecesse. Die Recesse und andere Akten der Hansetage, 1. Abt. (1256-1430), bearb. v. K. Koppmann, Bd. 8, Leipzig 1897, Nachträge, S. 605.

{Diplomatische Erörterung des Stücks}
Einseitig beschriebenes Papierblatt.

Item uff de 3 artikel, de der koning sinem rade claget obir den rad unsirs herren des meisters umme de unhovescheit etc., do uff is unser rad unde antworde:

[1.] Nach der cziid, das des koningis ammiral, d[en]^a) wir halden alz den koning selben, zelben in vlocken unde in vorden mit des koningis undersassen us den Swein was in denselben schiffen, do zy den schaden deden an den uwirn und zy dorobir twungen, das zy bi iren eeden iren schaden nicht solden clagen deme koninge adir sineme rade, das eine grosse unhovescheit unde unrecht was: darumme du°nked uns das recht unde mogelich, das das Engelische ghud darumme ist uffgehalden unde beku^emmerd.

[2.] Item uff den andern artikel van der vorspottinge, alze der koning claget etc., daruff ist unser antworde: dy boden, de ir ghesand hatted in Engilland dem koninge czu eren unde nicht czu vorspottende, de wu°rven sichere bodesschaft, de ir im bevolen hattet, darin se vulmechtich waren redelcheit czu nemende unde czu ghebende, alze in dem schaden, der den uwirn gh[e]tan was, und an deme ghude, das darvore ufg[e]holden was; des wart in widerworfin van des {S. 401} koningis rade unde in gescriften obirgebin, alze men noch wol bewisen mach, mannich spotlich unde unredelch^b) artikel, das uwir herlecheit ein del antred, des sich de vorgescrebin uwir boden nicht mechtigen wolden noch en dorsten, domitte ire bodeschap gehindert wart, alzo das de vorspottinge dar ku°mpth van des koningis rade unde sinen undersassen unde nicht van uch noch van uwirm rade.

[3.] Item das dritte artikel, dar se inne clagen obir ein gebrok des rechtis etc.: disser artikel ist boven vurantwordet in etliken anderen artikeln, unde uns du°nked, das das wider Ghod unde wider recht si, das men armen luden das ire numpth unde se obir bord wirft unvorschuldet.

[4] Item alze ze voregeven, das desse 3 artikel nicht komen su°llen in unser tedinge, so du°nked uns, das se ere anwisunge wol mochten behalden haben bi in.^c)

^a) das.

^b) unredelcheit.

^c) Darunter mit anderer Tinte: Das sie des gantzen Niderlandis gros nutz und vrome.

¹⁾ Hansisches Urkundenbuch, Bd. 4 (1361-1392), bearb. v. Karl Kunze, Halle a. S. 1896, Nr. 937, S. 399-400 = PrUB, JS-JP59.