PrUB, JS-JP 59

{Überlieferung}
B = olim StA Königsberg.

{Drucklegungen}
aus B Hansisches Urkundenbuch, Bd. 4 (1361-1392), bearb. v. Karl Kunze, Halle a. S. 1896, Nr. 937, S. 399 - 400.

{Regest}
Hanserecesse. Die Recesse und andere Akten der Hansetage, 1. Abt. (1256-1430), bearb. v. K. Koppmann, Bd. 8, Leipzig 1897, Nachträge, S. 605.

{Diplomatische Erörterung des Stücks}
Papierblatt, dem eine Übersetzung der offiziellen Eingabe der englischen Gesandten vorausgeht.¹⁾

Dese 3 artikel claget der ko^enig von Engilland synem rate.

[1.] Czum ersten umb die unhu^evescheit, die do geschen ist von dem rate des meisters czu Pruszen, wen durch der geschicht wille, die do geschen syn uff dem mere und uff dem lande, so su^elde man czu rechte nicht ander lu^ete besweren; wie mag man nue und mit was rechte durch der geschicht wille der houptlu^ete von Engilland, die man entschuldigen und rechtvertigen mag, beswern die undirsasze und kowfflu^ete des rychs czu Engilland, die nye gebrochen hatten, und ir gut besaczt wart von dem rate des homeisters czu Pru^eszen und keyn gerichte doro^ebir geheischet hatten. Sie hetten eynem kleynen konige und eynen werltlichen herren mee getan, wen eynem konige von Engilland, der do eyn mechtiger herre ist und czu fu^erchten in wasser und uff lande.

[2.] Item claget der konig synem rate von der vorspotunge, went der rat des homeisters gesant hatte boten czu nemen und nicht wedir czu keren den undirsaszen des koniges von Engilland, domit vorspottet her die konigliche mechtigheit, want ez gebu^ert eynem iclichen fu^ersten ader herren, beyde geistlich und wertlich^a), czu besorgen, das her habe ryche undersaszen, und sie czu beschirmen. Wen nue die undersaszen von Engilland lange vor der botschafft weren besweret und beschediget, so volget wol, das die botschafft was spotlich, wen sye keyn gewalt hatten, den vorgenanten undersoszen von Engilland iren schaden uff czu richten.

[3.] Item claget der konig o^ebir eyn gebru^ech des rechts, der do geschen ist von des homeisters rate czu Pruszen wedir das gemeyne recht, want alsu[l]che pfendunge sien vorthu^emet von geistlichem und von wertlichem rechte, alz das recht ynnehelt.
 

^a) vertlich.

¹⁾ S. Hanserecesse. Die Recesse und andere Akten der Hansetage, 1. Abt. (1256-1430), bearb. v. K. Koppmann, Bd. 3, Leipzig 1875, Nr. 403.