PrUB, JS-JP 54

{Überlieferung}
Public Record Office London, Close Rolls 11 Rich. II m. 6.

{Drucklegungen}
Hansisches Urkundenbuch, Bd. 4 (1361-1392), bearb. v. Karl Kunze, Halle a. S. 1896, Nr. 926, S. 393;
T. Rymer (Hg.), Foedera, conventiones, literae usw., Bd. 7, 1742, ND Meisenheim/Glan 1967, Nr. 581.

Rex dilecto sibi Nicholao Exton majori civitatis sue Londoniarum [salutem]^a). Cum nuper per breve nostrum preceperimus Johanni de Brunham nuper majori ac Johanni Drolle^b) et Johanni Prentys^c), tunc ballivis ville de Lenn, quod omnem pecuniam mercatorum dominii de Sprucia per ipsos virtute mandatorum nostrorum in portu ville de Lenn nuper arestatam usque Londonias ad certum diem preteritum mitti vel deferri et ipsam vobis per indenturam inter vos et ipsos Johannem, Johannem et Johannem conficiendam deliberari facerent, ad eam particulariter et vicissim juxta dispositionem et requisitionem certorum ligeorum, quorum bona et mercandise in terra Sprucie sunt arestata, pro ambassatura versus predictam terram Sprucie pro bonis et mercandisis predictis per nos facienda expendendam;^d) et quia ad supplicationem tam dictorum ligeorum nostrorum quam communitatis regni nostri Anglie in presenti parliamento nostro existentis de avisamento concilii nostri ordinavimus dilectos nobis magistrum Nicholaum Stoket clericum ac Thomam Graa civem civitatis nostre Eborum et Walterum Sibillis civem civitatis nostre Londoniarum ambassatores nostros versus terram predictam pro dictis bonis et mercandisis dictorum ligeorum nostrorum ibidem, ut premittitur, arestatis deliberandis ac aliis gravaminibus et injuriis eis factis reformandis, quorum custus et expensas, prout convenit in hac parte, concessimus interim equaliter assideri integreque levari de bonis et catallis ligeorum nostrorum predictorum, quos volumus ad hoc compelli: et, cum summa custuum^e) et expensarum circa ambassaturam predictam appositarum assessa fuerit et levata, ut predicitur, volumus et concessimus, tantam pecunie summam, quantam ab eisdem Johanne, Johanne et Johanne virtute mandati nostri predicti recepistis, prefatis Johanni, Johanni et Johanni solvi et deliberari jubere, ut ipsi, cum restitutio et dearestatio bonorum et mercandisarum dictorum ligeorum nostrorum facta fuerit, eandem summam per eos sic arestatam prefatis mercatoribus Sprucie restituere possint¹⁾, ut tenentur:

vobis mandamus firmiter injungentes, quod dictam pecuniam, quam ab eisdem Johanne, Johanne et Johanne, ut predictum est, recepistis, prefatis ambassatoribus nostris per indenturam inde inter vos et ipsos ambassatores debite conficiendam liberetis seu liberari faciatis indilate, taliter vos habentes in hac parte, ne in vestri defectu dicta ambassatura retardetur seu aliqualiter differatur. Per quas quidem indenturas et presens mandatum nostrum volumus vos de tanta pecunie summa, quantam prefatis ambassatoribus liberaveritis, erga quoscumque exonerari. Teste rege apud Westmonasterium, decimo sexto die Maji.²⁾

^a) Fehlt bei Rymer.

^b) Brolle Rymer.

^c) Peutys Rymer.

^d) expendenda Rymer.

^e) custumarum Rymer.

¹⁾ Siehe Hansisches Urkundenbuch, Bd. 4 (1361-1392), bearb. v. Karl Kunze, Halle a. S. 1896, Nr. 925, S. 392 - 393= PrUB, JS-JP53.

²⁾ Ebenso befiehlt der König Juni 8 dem Mayor, eine von den Lynner Beamten abgelieferte Summe von 340 £ an die Gesandten auszuzahlen. Close Rolls 11 Rich. II m. 5.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-jp/js-jp54.htm) und Datum der Einsichtnahme; (2) im Druck: PrUB, JS-JP54 (1388 Mai 16. Westminster.)
Bearbeitungsstand: Text eingegeben (24. Februar 2002 JPoett) Datum überprüft () Text mit PrUB oder sonst Druck kollationiert () Text mit Or. kollationiert () äußere Merkmale beschreiben ()