Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2316-Brethren 43
--> French version
--> Latin version
Enacted by the chapter general at Rhodes 23 April, 1433.
BNCF Ms. Magl. cl. XXXII, 37, fol. 62r.
De hiis, qui faciunt mercantias
Item cum secundum evangelium nullus potest duobus dominis bene servire, et quilibet religiosus omni postposita mundana vanitate cupiditateque bonorum terrenorum suam debet mentem erga deum dirigere, et ad nostram audientiam pervenerit aliquos fratres nostre religionis se mercantiis impedire ac ipsas facere in magnum suarum conscientiarum detrimentum verecundiamque [et] dedecus nostre religionis, ideo auctoritate huius presentis capituli generalis stabilitum est et ordinatum, quod quilibet frater, qui faciet mercantiam, scilicet emendo pro revendendo et intentione revendendi, sit in xl et perdat quicquid habebit in dicta mercantia, applicata medietate illi, qui talem mercantiam facientem accusabit et probare poterit, et alia medietate nostro communi thesauro. Exceptis illis, qui forte aliqua essent, qui pro non reperiendo nimis damnabilia cambia, quando veniunt ad nostrum conventum vel ibunt ad partes ponentis emerent pannos vel alia pro evitando maius damnum, quod tales possint ipsos pannos vel similia vendere, sine quod possint comprehendi in hoc presenti stabilimenti.
Next Brethren 44 | Back to the Contents