Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2141-Chapter 5
--> French version
--> Latin version
Enacted by the chapter general at Rhodes 23-24 May, 1428.
BNCF Ms. Magl. cl. XXXII, 37, fol. 59v.
Ne priores in eorum capitulis procurent vel loquantur pro fratre absente vel presente
Item in capitulis provincialibus vel assembleis priores, qui sunt et esse debent loco magistri et conventus, debent tenere balantiam iustitie et non declinari ad dextram neque ad sinistram partem, et ad nostram pervenit audientiam, et [read: quod] aliqui priores in eorum capitulis et assembleis loquntur, procurant et dicunt pro aliquibus preceptoribus et fratribus et recipiunt onera absentium et procurant pro eis in dictis capitulis, quod est absurdum et extra terminos iustitie. Et propter hoc auctoritate presentis capituli generalis est stabilitum, et stricte mandamus in virtute sancte obedientie, quod nullus prior in suo capitulo loquatur vel procuret pro aliquo fratre absente vel presente.