Stabilimenta Rhodiorum militum - Synopsis

based on the older manuscript tradition as well as on the French and Latin versions

© Jyri Hasecker, Hamburg / Jürgen Sarnowsky, Hamburg (2007/2022)

2114-Treasury 18

Enacted by the chapter general at Rhodes 21 September, 1449.

BNCF Ms. Magl. cl. XXXII, 37, fol. 79v-80r.
De administratione, conservatione, distributione pecuniarum et aliorum bonorum communis thesauri
Item deliberaverunt et declaraverunt [sex nomine et pro parte dictorum septem linguarum deputati], quod per magistrum et suum consilium completum diligenter inspiciatur inter fratres omnium linguarum communiter, ubi repperiatur frater idoneus et sufficiens; eligatur in conservatorem generalem thesauri fratrem [read: frater] nostre religionis, qui curam habeat omnium pecuniarum et aliorum bonorum mobilium ad thesaurum pertinentium; recipiat, conservat et distribuat dictas pecunias et bona secundum dispositionem et voluntatem magistri et consilii cum conscientia et apodissa magni preceptoris iuxta formam stabilimentorum moderni magistri super hac tam editorum; et habebit pro suis gagiis, si erit frater miles, ducatos Rodienses centum, et si erit frater serviens vel cappellanus, habebit florenos centum Rodi currentes anno quolibet a communi thesauro, dum commorabitur Rodi. Et quando opus eum [erit] mittere ad partes ponentis, constituantur illi gagia, prout magistro et consilio suo placebit. Et officium ipsum conservatoriatus generalis non amplius annis quinque durabit, ut puta [lies: utpote] de uno capitulo ad aliud capitulum generale. Et quando fuerit finis dicti temporis, successor non possit esse de eadem lingua, quousque transiverint anni decem. Et nihilominus septem fratres septem linguarum ordinati^(a) noviter sint in eadem firmitate atque valore, quo per hoc presens generale capitulum est constitutum.

(a) Cf. 2116-Treasury 20 .

Next Treasury 19 | Back to the Contents