Stabilimenta Rhodiorum militum - Synopsis

based on the older manuscript tradition as well as on the French and Latin versions

© Jyri Hasecker, Hamburg / Jürgen Sarnowsky, Hamburg (2007/2022)

2086-Hospitality 11

Enacted by the chapter general at Rhodes 23 November, 1440.

BNCF Ms. Magl. cl. XXXII, 37, fol. 69r-v.
In qua forma et modo se gubernabit dominus infirm(ari)us in infirmaria
Item propter multos casus secutos propter ineffrenatam voluntatem et inordinatum appetitum alicuius domini infirmi statuimus et ordinamus, quod nullus de dictis dominis infirmis demorantibus in dicta infirmaria debeat petere nec habere aliud epulum nec aliam rem, que sit in mundo, nisi quantum per eorum medicos erit ordinatum et mandatum, et debeant permanere pacifice et non velle neque petere aliquid superbia aut violentia. Neque licitum sit in futurum alicui de dictis dominis infirmis, quousque stabunt sub cura medici in dicta infirmaria, ludere ad tabula nec ad schacchos aut cartas aut alium quemcumque ludum neque legere romantia neque historias. Et si contrafecerint presenti stabilimento, non debeant habere amplius aliquid aut servitium aliquod in dicta infirmaria. Et infirmarius, qui hec non faciet teneri et observari, ipso facto sit privatus. Declarando quod, si aliqui(s) de dictis dominis infirmis fratribus, postquam erunt licentiati medicis, per octo aut decem dies vellent comedere ad tabulam dicti infirmarii, possent facere. Et dicto infirmario satisfiet de thesauro pro diebus, quibus dictus licentiatus biberit et comederit ad sui tabulam.

Next Hospitality 12 | Back to the Contents