Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
086-Hospitalité 11
[f5v]
Frere Jehan de Lastic maistre
xi. De la moderée conversation(a) des malades ; et que le malade licencié aulcuns jours puissent(b) user de la table de l’enfermier
Voulans reprimer l’insolence d’aulcuns nous establissons que les malades – frères et séculiers – se doyent porter et converser à l’enfermerie modestement, temperemment et honnestement ; et ne soit licite ou permiz à aulcuns de demander ou obtenir aulcune chose, si non ce que pour son remède par les médecins sera ordonné ; et se contumacement le demandera defendons que ne leur soit donné. Aussi les malades en ladite enfermerie doient user de silence et honneste excercice et ne doyent jouer aux tables, ne aux eschez, ne lire hystoires ne cronicques, et ne facent aulcunes choses qui soyent en pertubation ou molestes des malades. Qui contre fera soit privé de l’administration des choses nécessaires en l’enfermerie, et soit rebouté de la compaignie des malades (c)qui vivra(c) à sa volunté, car celuy n’est pas digne de médecine ne de ayde de medecins qui desprise les enseignemens dicelle. Et ceste ordonnance face observer l’enfermier. En quoy se sera négilgent soit privé de son office. Et se aulcun frère malade quant sera licencié des médecins se vouldra user pour le terme de dix jours de la table de l’enfermier ou moins luy donnons licence de ce faire. Et le trésor satisfera la table audit enfermier.
(b) sic.
(c) et vivre.
Next Hospitalité 12 | Back to the Contents