Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2056-Church 23
--> French version
--> Latin version
Enacted by the chapter general at Rhodes 19 September, 1420, according to a statute enacted by the chapter general at Rhodes 12 September 1344 [see NLM Arch. 69, fol. 17v], repeated 20 May 1410 by the chapter general at Aix-en-Provence [see BNCF Ms. Magl. cl. XXXII, 37, fol. 46r]
BNCF Ms. Magl. cl. XXXII, 37, fol. 48v-49r.
Quod manuteneantur hospitalitates et officia divina et de reparatione ecclesiarum et domorum.
Item ut amodo in qualibet domo hospitalis ultra mare secundum ipsius facultatem bene et devote divinum adimpleatur servitium, donentur helemosine, hospitalitatis [lies: hospitalitates] (et) observentur [et] eorum ecclesie domusque religionis bene sustineantur et ordinentur secundum tenorem plurium stabilimentorum de hiis in plurimis suis partibus mentionem facientium, et quod priores sint abscripti [!], quotiens defectus imminent, de remedio providere, stabilitum est per hoc presens generale capitulum, quod unusquisque prior, bailivus per capitulum et alius preceptor quicumque habens regimen alicuius domus huius religionis ante omnem aliam reperationem substineat et ponat ecclesiam in statu et teneat eam fornitam seu munitam de libris, vestimentis, calicibus et aliis rebus divino officio, et iuxta qualitatem, revenutam seu proventum in redditus ipsius domus faciat serviri ecclesie per fratres cappellanos honeste vite, si possint reperiri, vel aliter in eorum penuria et defectu per alios capellanos seculares honestos, donec illic de fratribus provideatur, quod bene et devote vacent et intendant divino officio ipsius ecclesie. Et postmodum fiant elemosine et teneantur hospitalitates iuxta facultatem et revenutam cuiuslibet baiulie vel preceptorie. Et parimodo in reparationibus domorum procedatur. Et ad bene, convenienter adimplendum que dicta sunt debet dare seu assignare prior tempus appetens et rationabile cuilibet preceptori, infra quod possit divino servitio necessariis providere et reparationes supradictas facere. In helemosinis vero et hospitalitatibus nulla est dilatio concedenda. Que si fortasse preceptor vel alius quicumque administrator facere recusaret ad emendamentum [lies: comandamentum] seu preceptum sui prioris vel alterius sui superioris, privetur ipse preceptor de revenuta ipsius baiulie seu preceptorie, donec reparationes tam ecclesiarum quam domorum et rerum ceterarum supradictarum ad divinum officium requisitarum, elemosine et hospitalitates memorate fiant et compleantur expensis revenutis baiulie seu preceptorie – super tamen baiulie huiusmodi seu preceptorie revenuta scripto [lies: stricto] victu pendente provisione supradicta preceptori reservato –, de et supra quibus prior aut castellanus executionem faciat indilate, omnibus excusationibus et favoribus cessantibus. Quod si non fecerit, graviter debet reprehendi, cum talibus providere suo incumbat officio. Et teneatur dictus prior vel castellanus facere fieri et reparari premissa suis missis et expensis, si secundum revenutam ipsius preceptorie vel baiulie infra tempus debitum non fecerat executioni demandatum.
Quod si bailivus aut alius frater non obedierit suum priorem de predictis qualiter debeat puniri. Item si forsan aliquis bailivus aut preceptor negligens foret in adimplendo ordinationem et preceptum sui prioris aut alterius superioris in quantum concernet divinum officium, elemosinas, hospitalitates et reparationes superius declarata [...], vel per potentiam inordinatam recusaret, vel inobediens esset eas infra tempus debitum et opportunum per dictum priorem aut alium superiorem ei datum et impositum adimplere, stabilitum est, quod in hoc casu baiulia seu preceptoria ei levetur per capitulum, per priorem vel castellanum de proborum virorum in dicto capitulo existentium consilio et assensu, et ad gubernamentum seu regimen ipsius baiulie seu preceptorie ponatur unus frater boni portamenti seu regiminis, quousque per magistrum et conventum de ea aliter ordinetur.
Cf. also Hospitality 4.