Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1363-Electiones 19
Frater Baptista de Ursinis magister
xviiii.(a) De electione baiulivorum et priorum
(b)Grandis quidem est baiulivorum et priorum virorum consularium in nostro ordine auctoritas, in quorum profecto electione maturo consilio procedendum est, ut viri graves et consilio digni ac probi, qui magistro adsint, eligantur. Itaque(b) stabilimus, quod quandocunque magister et consilium ordinarium ad electionem baiulivi conventualis procedent, postquam auditi fuerint, qui baiuliatum more solito postulant, discussis prius de petentium moribus et virtutibus non ordine servato per eos, qui in consilio aderunt, sed pro arbitrio per magistrum ante usum balotarum iuramentum solemne super crucem habitus prestitum de baiulivis, prioribus et assistentibus in consilio pro electione facienda recipiatur, quod virum idoneum, utilem, dignum atque [108v] prestantiorem habita potius ad virtutes et benemerentiam quam antianitatem consideratione baiulivum eligent. Et sic per scrutinium balotarum electio fieri debeat. Pariformiter priorem ecclesie ceterosque priores et baiulivos capitulares eligi et creari precipimus, linguarum sinotatione pro veteri consuetudine semper reservata.
(b) Different from original statute.
Next Electiones 20 | Back to the Contents