Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1134-Thesaurus 38
Frater Petrus Daubusson cardinalis et magister
xxxviii. Quod malesolventibus et privatis non respondeatur de fructibus preceptoriarum et beneficiorum
Volentes in executione contra malesolventes facienda acrius providere statuimus, quod sub poena privationis preceptoriarum et beneficiorum fratres – et vassali sub poena violati iuramenti fidelitatis – et appaltatores et arrendatores huiusmodi beneficiorum et preceptoriarum nullo pacto respondeant de fructibus et redditibus talibus privatis. Quod si fecerint, huiusmodi poenam incurrant, et nihilominus, quod per eos exolutum fuerit, non admittatur in computo eorum, quinimmo iterum exolvere teneantur. Etiam volumus, quod priores, receptores et procuratores huiusmodi [56v] stabilimenta super malesolventibus edita in quolibet capitulo provinciali publicari faciant, et nihilominus contrafaciendo in suo robore permaneant.
Next Thesaurus 39 | Back to the Contents