Stabilimenta Rhodiorum militum - Latin version

1027-Receptio 17

   Frater Antonius Fluviani magister.
xvii. Quod fratres licentiis admittendi ac recipiendi aliquos non abutantur, sed quod recepti in eis annotentur.

Abusus, qui in fratrum receptione comitti possunt, extinguere cupientes prohibemus, ne licentia ad hoc data quovis modo recipientes abutantur, videlicet plures fratres recipiendo quam auctoritas concessa permittit. Et ne occasio id faciendi prębeatur, volumus, quod fratres recipientes eorum, quos in vim licentie receperint, nomina et annum diemque receptionis in litteris licentie annotare et in eis sigillum imprimere debeant, ne ultra numerum designatum aliquis recipiatur. Quodque receptus in autentica forma receptionem cum insertione^(a) licentie, vigore cuius est receptus, deferre teneatur. Aliter enim in ordinem nostrum, donec illud compleverit, non admittatur.