Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
406-Arrendemens 3
[p5r]
Frere Jehan de Lastic maistre
iii. De l’arrendement de la grant commanderie de Cipre, [p5v] du Lango et de Nisère
On doibt tousjours penser envers l’utilité de nostre commun tresor. Pourtant nous establissons que vacans les commanderies de Cipre, Lango et de Nisère et autres isles à elles apparten[ent] soient arrendées en nom de nostre tresor à freres souffisans ; et le pris de l’arrendement, franc de toutes reparations annuelles necessaires et de tout peril qui sont sur les arrendemens, soit payé en Rhodes chascun an. Et se sera aucun frere ou freres d’aucune langue ausquelz pour leur tour lesdites commanderies appartenissent et que fussent soufisans oudit excercice, qui adoncques proposés aux autres pour pareil pris. Et que ledit arrendement dure cincq ans. Lesquelz finis, ladite maniere de provison ou meilleure si se trouvera soit gardées et tenue pour l’utilité de nostre commun tresor.
Next Arrendemens 4 | Back to the Contents