Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
381-Collations 17
[o8r]
Frere Jehan de Lastic maistre
xvii. Que les prieurs ne doibvent donner commanderie qui appartiengne à leur grâce priorale à frere qui n’aura esté ou couvent et payé son passage
Il est necessaire de favorir et donner grâces aux freres qui ont esté au couvent et servy et payé les droitz de nostre religion. Pourtant nous establissons que les prieurs et chastellain d’Emposte ne puissent donner commanderies, appartenant à leur collation selon la forme des establissemens, à freres sinon à ceulx qui auront esté ou couvent de Rhodes et payé leur passage au tresor. Aultrement ladicte collation soit nulle. Et les commanderies qui contre ledit ordre seront [o8v] données appartiennent à la provision du maistre et couvent lesquelz selon la louable coustume de l’ordre d’icelle doibvent pourveoir.
Next Collations 18 | Back to the Contents