Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
382-Collations 18
[o8v]
Frere Jacques de Milly maistre
xviii. De la maniere et forme de la collation des membres
Pource que pour la distance des lieux aulcunesfois advient que(a) à cause de l’absence des commandeurs les membres des commanderies ne pevent estre gouvernez et utilement regiz, et pourtant, desirans pourveoir à ceste incommodité et voulans eviter frauldes et dolz en la collation des membres, nous establissons que les prieurs, chastellain d’Emposte et chappitre provincial puissent confermer lesditz membres ou maisons données par les commandeurs à temps ou à vie au freres ou donnez de nostre ordre, reservez le droit du tresor. Laquelle confirmation soit roborée par le seel commun du prioré. Et icelle confirmation ou neufve provision par aulcune maniere ne se puist faire se le commandeur et frere ou donné à qui la collation sera faicte ne viennent personnellement en presence du prieur et du chappitre provincial où soient tenuz de faire jurement solennel que en icelle collation n’y a fraulde, dol deception ou tâche de symonie. Et le frere qui sera en Rhodes puisse estre admis par procureur et supplir ad ce que par presence feroit. Et tout ce qui contre ledit ordre sera donné et confery soit de nulle valeur.
Next Collations 19 | Back to the Contents