Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
230-Baillifz 28
[k5v]
Frère Jehan de Lastic maistre
xxviii. Des gaiges des baillifz
Ceulx qui president es offices doibvent joyr d’honneur, de charge et de prouffit ; labeur est nourrye et confortée d’esperance de remuneration. Et pourtant nous deputons et assignons aux baillifz couventuaulx de nostre religion, estans presens en couvent, à chascun d’eulx florins trois cens de Rhodes courans tant seulement. Et se seront absens du couvent de Rhodes sont privez desditz gaiges desquelz les deux tiers leurs lieutenans qui supportent la charge des auberges recepvront du tresor. Toutesfois, le grant commandeur, consideré la charge de son office, oultre lesditz trois cens florins aura du tresor autre cinquante florins de Rhodes courans, neantmoins le maistre et conseil selon leur discretion lesditz cinquante florins ordonneront estre donnez audit grant commandeur ou iceulx estre partis, c’est assavoir xxv audit grant commandeur et les autres xxv assignant au mareschal.
Next Baillifz 29 | Back to the Contents