PrUB, JS 492

{Überlieferung}
A = OBA 3848 [olim Schiebl. XXIa, 48].

{Drucklegungen} 
aus A Deutsche Reichstagsakten, Ältere Reihe, Bd. 7-12: unter Kaiser Sigmund, bearb. D. Kerler, H. Herre, Gustav Beckmann, Gotha 1878-1906, hier Bd. 8, Nr. 130, S. 140-41 [Auszug, danach hier].

{Regest}
JHI 3848.

{Diplomatische Erörterung des Stücks}
A Original auf Papier, Verschlusssiegel auf Rückseite.

Meinen gar willigen undertenigen gehorsam zuvor.

Erwirdiger liebir her meister. [...]¹⁾

Ouch, erwirdiger her meister, als ich euch in dem andern briefe hab geschreben, das die herren ko^erfursten ire mechtige botschaft zum koninge zu Polan und zu euch wellen senden etc.: so wisset, das unsir herre Romische koning mitsampt den ko^erfursten eintrechticlich eins ist gewurden, das der herre marggrafe zu Brandemburg und der herre bischof zu Wirtzburg in der botschaft sullen werden gesant, die alle zweitracht zwischem dem koninge herzog Wytowt und dem orden mechiclich und genzlich sullen hinlegen und entscheiden. und in welcher wei–e das sal gescheen, das will ich uwirn gnaden muntlichen wol irzellen, seint (als ich hoffe) {S. 141} ich ee zu euch werde komen wenn sie. Hirnoch mogt ir euch wissen zu richten.

Sundirlich, erwirdiger her meister, hat mich unsir herre koning euch heissen und und befolhen zu schreiben dieweile diesir brief wart geschreben: das her sich mit seinen ko^erfursten einmuticlich und eintrechticlich habe geeinet und entrichtet also das sie undir enander ganz eins sein, und sie wellen im beistehen und helfen, also will her in widder thun; und das ir trostlich sullet sein und euch nimand lassen derschrecken, her moge und welle dem orden wol helfen, ^a)wirt des not sein. Dorbei ich ouch kegenwertig was und bei allen sachen die her handelt^a). Her hat mir ouch und die ko^erfursten mit enander befolhen euch zu vorschreiben, das ir mir jo ee besser und ane sumen undir owgen sullet schreiben die loufte und gelegenheit des landes Prewssen, die her und die ko^erfursten jo wellen wissen.

Ouch hat her mir dirzallt, wie und in welcher weise der herre marggraf und der bischof von Wirtzburg die handelungen der eintracht berichtunge und fredes zwischen dem koninge zu Polan Wytowt und euwirn gnaden sullen anheben handeln und volenden, als ich euch das alles muntlichen will dirzellen, und ist nicht fuglich umb veerlikeit der wege euch das so verre zu schreiben.

Gegeben zu Nuremberg am tage sente Peters ad vincula.

Dem erwirdigen homeister Deutsches ordens mit aller erwirdikeit ane sumen.

Kompthur zu Brandemburg.