PrUB, JS 454

{Überlieferung}
B = OF 3, p. 124.

{Drucklegungen}
---

{Diplomatische Erörterung des Stücks}
 Register-Überlieferung; Abschrift auf Papier. 

Edler herre und besunder liber frunt euwern briff uns nehest gesant haben wir wol vornomen. Und als ir uns in dem selben schreibt, wie das der kompthur von der Swecze habe vorboten euwern luten als den von Bromberg und von Solicz etc., das sie nicht mit getreide und ander ir habe die weissel ap sollen faren.
Edler besunderer frunt, was doran der kompthur von der Swecze getan und geboten hat, das hat her getan von unserm geheiße. Sunder als euwir fruntsch[aft] begerlichin bittet, das wi^er euwern luten welden dirlouben, die Weysel ap czu faren mit irm getreyde als sie von alders getan haben etc.
Edler lieber herre wir haben dem kompthur czur Swecze bevolen, das hers mit den selben euwern luthen Bromberg und Solicz halde als es von alders her gehalden ist. Also das wir i^en gerne gunnen wellen, das sie ungehindert ir getreide die Weissel ap off flossen und yn tubas furen mogen als sie von alders bis her getan haben.
Sunder mit ^a weiselschiffen sollen sie nicht ir getreide die Weysel ap furen, das ist ien vorboten, went es von alders her nicht gewest ist und bitten euwir fruntsch[aft], das i^er sie des wellet undirrichten.
Geg[eben] off unserm huße Slochow am dinstage noch Judica [1403].