PrUB, JS 270

1403 Januar 11. Marienburg.

{Regest}
Hochmeister [Konrad von Jungingen] an den Obersten Marschall [Werner von Tettingen]: Instruktion, wie er den Orden gegen die Beschuldigungen und Anklagen des Königs von Polen bei den Söldnern rechtfertigen soll.

{Überlieferung}
B = OF 3, p. 107-108 [olim Registrant des Hochmeisters Konrad von Jungingen, Nro. 1b, fol. 51].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 6, 1861, ND Osnabrück 1965, S. 149-50.

{Diplomatische Erörterung des Stücks}
Gleichzeitige Abschrift, Papier.

Dem obirsten marschalke Deutsches Ordens.

Lieber her marschalk.
Noch clage des koniges von Polan geschen an fursten an heren obir uns und unsern orden, begeren wir, das ir uns und unsern orden vorantwort, wen ir stunde und stad hot kegen den gesten, das noch dem geschichte der vorheyt dy clage des egenanten konigs nicht wirt vofurit, noch also ist als hers vorgebt.
Czum ersten, das her claget wir beruchtigin synen namen mit ungehorter ungestald etc. Das vorantwert also, das zu sotener beruchtunge uns twingit nod und merklicher schade, den dy heylige cristenheyt und nemlich unser orden von synem thun hot, das her beholfen ist den heyden und den Rusen, dy scismatici und geczweyt sint von unser e, mit volke wopen harnusch bochsen etc., und dy unglobigen ufsecziger macht und by korczen joren gemacht hot me, wen sy von anbegin y gewest sint.
Ouch uff das, als her schreibet, das her noch syme cristenthum von uns me werde gelestirt und vorspot, wen do her noch in dem ungelouben ist gewest, und ouch do im me libe gunst und ere dirczeigit sy etc. Das vorantwert also, ab icht do geschen sy, das ist geschen als kegen deme, der der heiligen cristenheyt eyn offen vynt was, das her mochte gebrocht werden zcu dem cristenthum mit den synen in rechther worheyt. Och also mochte sich der orden vor im huten als vor eyme offenbar finde, adder noch dem, als her cristin ist worden, so bedunket in, das im alles geczeme sey, was her thut, und also mit syme getichten cristenthum beschutzen wil dy unglobigin. Und sagt den gesten, wy her der erste was, der do gebrach an syner truwe, das man vormals nicht hatte dirfaren von synen vorfaren. Und der orden gros dirwrayet were synis cristenthums, wen her eynen guten usgand dirkeme von ime, das yo nicht scheyn ist, wen her dy land bevolen hot eyme offenbaren echter der cristinheyt. Und von synentwegen umbegetan synt dy Samaythen von dem orden, dy ouch dy toufe an sich hatten genomen, und dornoch von des konigis thuen und Wytouden dy selbigen sich umbetoten und vorbranten kirchen, lesterten dy martir unsers hern und das bilde Marie und der heiligen etc.
Ouch als her schribet, der orden haben kirchin vorbrant der cristen. Das vorantwert, das das ny sy geschen mit wissen noch mit willen, sunder geroten haben mit flise, dy wyle is in frede stund, das man kirchen und closter ofrichten sulde, ab das geschen sy dornoch, wis wir nicht.
Ouch als her schreibet von des landis wegen Dobrin, das wir im das berobet sulden haben. Das vorantwert, als ir das wol wisset, wy uns vorsatczt ist gewest von eyme frigen fursten etc. Item dornach, wy wir mit dem konige tage haben gehalden und alle czeyt begeret haben eins mogelichen, und hutes tages begeren in semelicher wyse. Und ouch, als euch euwer wyseit czusagt, uns vorantwert, uns so euch Got widder sent mit gesundikeit wir vorantwerten uns wellen das besten, als wir mogen und lichte schrift mit geben unser antwert und gerechtikeit an fursten und an heren.
Datum precise ut supra [Marienburg am donrstage nach Epiphanie im XIIIIC. und dritten jore].

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js/js270.htm)
und Datum der Einsichtnahme; (2) im Druck: PrUB, JS 270 (1403 Januar 11. Marienburg.)
Bearbeitungsstand: Text eingegeben (Jürgen Sarnowsky, 18.7.1999-2009 [Regest]; Sebastian Kubon, 29.4.2003 [Quelle]) – Datum überprüft (Jürgen Sarnowsky, 18.7.2001) – Text mit PrUB oder sonst Druck kollationiert (Sebastian Kubon, 29.4.2003) – Text mit Or. kollationiert () – äußere Merkmale beschrieben ()

Datum der Erstanlage: Dienstag, 18. Juli 2001 — Letzte Änderung: 2. Mai 2003 von Jürgen Sarnowsky

Zurück zur Hamburger Homepage / zurück zur Regestenliste für 1403.