PrUB, JS 267

{Überlieferung}
B = OF 3, p. 122 [olim Registrant des Hochmeisters Konrad von Jungingen, Nro. 1b, fol. 57].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 6, 1861, ND Osnabrück 1965, S. 152-52.

{Diplomatische Erörterung des Stücks}
Gleichzeitige Abschrift, Papier.

Edler herre und besunder lieber frund.
Als ir uns habt geschriben, wie ir vornomen habet, das her Stibor uns die Nuwe Marke vorsaczt habe und Tankow doczu mit siener czugehorunge, und sint das Tankow, als ir schribet, uwer erbe und gut ist, so begert ir, das wir uns des nicht underwinden welden, wend ir gute brife dor obir habt etc.
Lieber herre, her Stibor wart czu uns gesant von unserem gnedigen herren konige von Ungern, der uns das selbe land die Nuwe Marke mit willen und volbort unsers vorgenanten hern konig mit alle siener czugehorunge vorsaczt hat umb eyme genante summe geldis, nichtesnicht dor inne usgenomen. Nu wellen wir gerne uweren briff unserm herren konige von Ungern senden, und sienes rathes pflegen, wie wir uns ken uch halden sullen, wes wir denne von im underwiset werden, das wir uch mit rechte pflichtig sien czu thun, do noch wellen wir uch gerne eyne antwert schriben und getruwen wol, das ir uch dor an werdet genugen lassen.
Gegeben uff unserm huse Marienburg am Donirstage vor Letare [1403].