PrUB, JS 248

{Überlieferung}
B = OF 3, p. 56 [olim Registrant des Hochmeisters Konrad von Jungingen, Nro. 1b, fol. 26].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 6, 1861, ND Osnabrück 1965, Nr. 162, S. 178.

{Diplomatische Erörterung des Stücks}
Gleichzeitige Abschrift, Papier.

Irluchter forste und herre.
Uns hat geschrieben der komthur von der Balge, des briff gegeben ist off der Methe und uns geantwert in der gebunge deses brifs, wie das her bie euch gewest sie und ir euch kegen uns und unserm orden gar gutlich derboten habt und nemelich wie ir in mit gunstlichen wolteten fruntlich habt gehandelt, das wir gerne vornomen haben. Und danken, liber herre, mit flisse euwer gute und gunst, die ir czu unserm orden traget, und sunderlich der woltat und gutlichen handelunge, die ir bewiset hat an unsern bruder, und hoffen wol, das is got der her also nach fu^egen werde, das wirs ken euch vorschulden wellen noch unserm vormo^egen.
Ouch also euwer hirlichkeit begernde ist, den kompthur von der Balge czu euch wedir czu senden off die jayt czur grenicz, so wisset, das wir im geschriben haben, das is unser wille wol sie, wen ir in schriben werdt, das her uff die grenicz czu euch rythe, und were uns sunderlich lyp, das hers also kegen euch hilde und euch also czu willen wo^erde, das ir in gerne bie euch seget.
Gegeben uf unserm huse Cristpurg am tage Sinte Katherine im X^C und dritten iare.