PrUB, JS 184

1447 Januar 28. Brügge.

{Regest}
Bürgermeister, Rat und Schöffen zu Brügge urteilen in Sachen Carlo Ghiglio und Goffredo Rapondi gegen den Großschäffer zu Königsberg, Johann Reppin, daß der Beklagte als Ordensmann nicht vor ihrem Forum verantwortlich sei.

{Überlieferung}
B = OBA 9042.

{Drucklegungen}
aus B J. Sarnowsky, Der Fall Thomas Schenkendorf: rechtliche und diplomatische Probleme um die Königsberger Großschäfferei des Deutschen Ordens, in: Jahrbuch für die Geschichte Mittel- und Ostdeutschlands 43 (1995), S. 187-275, hier Nr. 34, S. 260-262.

Regest
JH I 9042.

{Diplomatische Erörterung des Stücks}
Abschrift auf Papier, mit gleichzeitigem Kanzleivermerk Reppyns sache auf der Rückseite.

Universis presentes litteras inspecturis vel audituris burgimagistri, scabini et consules ville Brugensis in Flandria salutem.
Cum mota fuisset iam dudum controversia coram nobis per et inter Karolum Gilium et Martinum Senanii tamquam habentem in subscriptis accionem cessam Goffredi de Rappondis actores ex una parte et religiosum virum dominum Johannem Reppin, magnum procuratorem ordinis Beate Marie Theutunicorum Prusie dictu wulgariter Grosscheffer von Konigesberg, defensorem ex altera,
dicentes et proponentes predictis actoribus, quod certis temporibus iam elapsis predictus Geffredus de Rappundis et ipse Karolus Gilius contraxerunt cum quodam Thoma Schenkendorff, factore et negociorum gestore predicti domini Johannis magni procuratoris, eidem Thome vendiderunt et causa vendicionis ipsis tradiderunt et deliberaverunt certos pannos sericos ascendentes ad summas subscriptas, videlicet venditos per dictum Geffredum ad summam 180 librarum gro[ssorum] monete Flandrie et per dictum Carolum ad summam 81 librarum gro[ssorum] predicte monete.
Et quia predictus Thomas Schenkendorff ipsis actoribus insolutis a patria Flandrie recessit et quia^a) iuxta conswetudinem ville Brugensis in factis mercancialibus laudabiliter conservatam domini seu magistri tenentur et obligantur in debitis pro suos factores et negociorum gestores in suis mercanciis factis et contractis, idcirco idem Geffredus et Carolus predictum dominum Johannem Reppin tamquam dominum et magistrum principalem dicti Thome Schenkendorff arrestare fecerunt et sub caucione sufficienti in elargitione sui consencierunt petentes et requirentes dicti actores a predicto domino magno procuratore de predictis summis satisfieri et persolvi.
Cumque ad predictam peticionem pro parte dicti domini magni procuratoris responsum extitisset ipsum magnum procuratorem fuisse et esse verum religiosum ordinis Beate Marie Theutunicorum, docentes de hoc per litteras patentes magnifici et religiosi domini magni magistri ordinis supradicti; et propterea tam privilegio clericali quam ordinis supradicti gaudere et frui debere et ad respondendum predictis actoribus coram nobis tamquam laicis iudicibus minime teneri et ab hac iudiciali instancia absolvendum esse, petente et requirente se absolvi et ab arresto predicto liberari, fideiussores quam suos a sua caucione relaxari.
Predictis actoribus desuper replicantes, quod, licet ipse dominus Johannes religiosus sit, non tamen talis religionis est, quod tractet sacra, ymo laicus est, miles est, quodque predicta questio ortum cepit ex mercanciis et factis more laicalibus, quibus ecclesiastico privilegio gaudere non debet, concludentes ut supra una cum pluribus aliis rationibus allegatis hincinde.
Et quod audita controversia supradicta per nos ad interloquendum et declarandum super ea dilacio capta esset. Notum facimus, quod hodierna die partibus supradictis ad audiendum nostram super premissis declarationem coram nobis citatis et comparentis, auditis parcium predictarum hincinde altercacionibus et habita in omnibus deliberacione matura per nos scabinos dictum sentenciatum et declaratum esse dicimusque sentenciamus et declaramus predictum dominum Johannem Reppin magnum procuratorem tamquam virum religiosum in sua persona ad respondendum peticionibus predictorum actorum coram nobis tamquam laicis iudicibus non teneri et ipsum ab hac iudiciali instancia absolvendum esse, ipsum quem absolvimus per presentes fideiussores suos pro sui elargicione prestitos quitantes et relaxantes, ipsorum quam actorum et cuiuslibet eorum accionibus et iuribus in principali reservatis et salvis expensas per predictas partes hincinde habitas et sustentas compensantes et ex causa.
In cuius rei testimonium presentes litteras fieri fecimus et sigilli ad causas prefate ville Brugensis munimine roborari^b).
Datum anno 1446o die 28a mensis Januarii.

{Textkritische Anmerkungen}

^a)Im Text quod.
^b)Im Text als robarari.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js/js184.htm) und Datum der Einsichtnahme; (2) im Druck: PrUB, JS 184 (1447 Januar 28. Brügge.)
Bearbeitungsstand: Text eingegeben (Sarnowsky, 7.8.2002) – Datum überprüft (Sarnowsky, 7.8.2002) – Text mit PrUB oder sonst Druck kollationiert (Sarnowsky, 7.8.2002) – Text mit Or. kollationiert () – äußere Merkmale beschrieben (Sarnowsky, 7.8.2002)

Datum der Erstanlage: Sonntag, 16. Juli 1999 – Letzte Änderung: 7. August 2002 von Jürgen Sarnowsky

Zurück zur Hamburger Homepage / zurück zur Regestenliste für 1447.