PrUB, JS 177

1446 September 11. (Lübeck).

{Regest}
Rat zu Lübeck an den Herzog von Burgund: die Haft des wegen der persönlichen Schulden des Thomas Schenkendorf ins Gefängnis gesetzten Großschäffers Johann Reppin in Brügge und das Schreiben des Hochmeisters an sie.¹⁾

{Überlieferung}
B = OBA 9177.

{Drucklegungen}
aus B J. Sarnowsky, Der Fall Thomas Schenkendorf: rechtliche und diplomatische Probleme um die Königsberger Großschäfferei des Deutschen Ordens, in: Jahrbuch für die Geschichte Mittel- und Ostdeutschlands 43 (1995), S. 187-275, hier Nr. 29, S. 254.

Regest
JH I 9177.

{Diplomatische Erörterung des Stücks}
Abschrift auf einem Blatt Papier, 1r-v beschrieben, stockfleckig.

[1r] ^a)[Dem irluchtigesten hoch-]^a) geborn[en] fursten unde grotmechtigen heren, heren ^a)P[hilippus hertogen]^a) van Burgundien, van Brabant unde van Limborch, graven van ^a)V[landeren, van]^a) Artois, van Burgund[ien], van Hennegauw, van Hollande, van S[elande]^a) unde van Namen etc., unserm lieven heren myt erwerdicheit gescreven.
Beredicheit vruntlikes denstes unde wes wy gudes vormogen tovoren.
Irluchtigeste hochgeborne furste, gunstige leve here, wy begeren juwer herlicheit weten, dat wy hir bevorn an de van B[rucge]^a) hadden gescreven, dat de erwerdighe unde grotmechtighe here, here homeister [dutsches]^a) ordens in Prutzen uns clegeliken hadde gescreven, wo dat see bynnen erer stad [sines]^a) erwerdighen ordens grotscheffere umme sculd, de Thomas Schenckendorff up sine egenen personen hadde gemaket, Gode, sineme orden to smaheit unde wedder sines ordens privilegia in gevengnisse unde wedder alle recht hebben geholden etc. Woap de van Brucge uns under anderen velen worden wedder screven, dat Thomas Schenkendorff sodane sculde by eren medeporters unde sekeren kopluden hadde gemaket alse een factur des grotscheffers unde van dar de unbetalet getrocket were etc.
Des hefft nu^e uppet, wye de vorscreven here homeister dorch sine dreplike unde erlike bodesschopp by uns laten werven, sick in^b) vorscrevener wise swarliken^c) beclagende, dat se den grotscheffer, Gode unde sineme orden to smaheit sunder alle recht unde widder sines ordens vriheit unde privilegia unde sine rechtverdigen vorbedinge vor sinen temeliken richter noch geholden wert unde he noch nicht ^a)v[ry en is]^a). Des wy uns besorgen, dar van schedelik anval to komende etc. Worumme ^a)[bidde wy juwe]^a) irluchtigesten herlicheide deger denstliken, dat gy by den genanten ^a)[van Brucge willent]^a) laten bestellen, dat de erben[ante] grotscheffer uth sodaner ^a)enthold[unge qwyt unde vry moge]^a) werden^d), unde gy juw gutwillich hir ine willen bewisen. ^a)[... Wy ... juwe]^a) irluchtigesten herlicheide gerne, wor wy mogen, de God alleine ^a)[ ... ]^a) unde bewaren to langen [saligen]^a) tyden.
Datum dominica die post festum Nativitatis Marie anno etc. 46o.
Consules Lubicenses. [...]²⁾

{Textkritische Anmerkungen}

^a)Wegen Stockflecks unleserlich; sofern möglich, wurde die wahrscheinlichste Lesung eingefügt.
^b)Folgt Str. sw.
^c)Folgt Str. cl.
^d)Über Str. wesen.

{Inhaltliche Anmerkungen}

¹⁾Dieses Schreiben fehlt (wie die angeschlossenen Briefe) im Urkundenbuch der Stadt Lübeck.
²⁾Es folgen auf demselben Blatt nahezu gleichlautende Schreiben Lübecks an den Rat zu Brügge und an die Älterleute des gemeinen Kaufmanns der deutschen Hanse zu Brügge.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js/js177.htm) und Datum der Einsichtnahme; (2) im Druck: PrUB, JS 177 (1446 September 11. (Lübeck).)
Bearbeitungsstand: Text eingegeben (Sarnowsky, 7.8.2002) – Datum überprüft (Sarnowsky, 7.8.2002) – Text mit PrUB oder sonst Druck kollationiert (Sarnowsky, 7.8.2002) – Text mit Or. kollationiert () – äußere Merkmale beschrieben (Sarnowsky, 7.8.2002)

Datum der Erstanlage: Sonntag, 16. Juli 1999 – Letzte Änderung: 7. August 2002 von Jürgen Sarnowsky

Zurück zur Hamburger Homepage / zurück zur Regestenliste für 1446.