PrUB, JS 170

© Jürgen Sarnowsky, Hamburg (1999-2009)

1446 Februar 21. Danzig.
{Regest}
Treßler Ulrich von Eisenhofen und Nikolaus Poster, Komtur zu Danzig, an den Hochmeister: ihre Verhandlungen mit dem Herzog von Pommern-Stolp.

{Überlieferung}
A = OBA 9055.

{Drucklegungen}
aus A J. Sarnowsky, Der Fall Thomas Schenkendorf: rechtliche und diplomatische Probleme um die Königsberger Großschäfferei des Deutschen Ordens, in: Jahrbuch für die Geschichte Mittel- und Ostdeutschlands 43 (1995), S. 187-275, hier Nr. 22, S. 246-247.

Regest
JH I 9055.

{Diplomatische Erörterung des Stücks}
Or.-Brief auf einem Blatt Papier, einseitig beschrieben, Siegel auf der Rückseite ab - Umseitig Adresse: Dem erwirdigen homeister mit aller erwirdikeit tag und nacht ane sewmen und Angaben zum Brieftransport.


Unsern gar willigen undertanegen schuldegen gehorsam nuh und zcu allen zceiten zcuvor.
Erwirdiger gnediger lieber her homeister, euwir gnad geruche zcu wissin, das der komptur zcu Danczke1)  und ich seyn gewest bey deme hern herczogen2)  in der Olive nach euwir gnade bevele und haben mit uns gehapt Bartolomeus Blumenaw, burger zcu Marienburg,3)  den Tomas Schenkendorff zcu eyme volmechtigen procurator vor eyme gehegtem dinge zcu Mar[ienburg] und ouch vor eyme offenbar schreibir hat gemacht, nach deme mir denne euwir gnade geschreben hat. Ouch haben wir mit gehapt die bekentenisse und vorczeihunge nach lawte der schriffte, die euwir gnad mir gesant hat, die der genan[te] Tomas Schenckendorff vor dem gehegten dinge zcu Mar[rienburg] und ouch vor eyme uffenbar schreibir getan hat, nach deme mir euwir gnad geschreben hat.
Und habe mit sampt dem komptur zcu Danczke sulche schriffte deme hern herczogen vorbracht und vele handelunge mit im gehapt nach euwir gnade bevele, so das her uns so geandw[er]ta) hat und dorczu gelassen hat, das Tomas Schenckendorff sulde selben personlichen vor in komen und sulde sich selbest muntlichen des geleits und geleits brif[es] vorczeihen und sulde der selbigen brife bekennen, die Bartolomeus, syn procurator, deme hern herczogen von Schenckendorffs wegen geandwert hat. Und euwir gnade sal vordan deme hern herczogen eyn vorsegelten briff geben unde euwir gnadere ingesegel, ap der herczog umbe des geleits wegen angelangt wurde, das euwir gnade in und die seynen doran schadelos halde. Und wil das euwir gnade also volfuren, so wil her sich Schenckendorff[s] nicht meer annemen und wil euwern gnaden dorinne thun zcu willen.
Gnediger her meister, eyn sulchs torste der komptur und ich nicht uffnemen, sunder wir haben is mit dem hern herczogen also vorlassen, das wir is an euwir gnade welden brengen. Gnediger, lieber her meister, was euwir gnade wille hirinne ist, das stet zcu euwirn gnaden und das mag euwir gnade dem hern herczogen yo ee yob) bessir thun zcuc) wissin. Gnediger her meister, wir haben is uffs hochsste gearbeit nach euwir gnad[en] bevelungen und haben is dach uf keynen andern weg mogen brengen etc.
Geben zcu Danczk am Montage vord) Kathedra Petri im 46ten jore.
Treseler, komptur zcu Danczke.

{Textkritische Anmerkungen}

a) Kürzungszeichen fehlt.
b) Fehlt im Text.
c) Folgt Str. zc.
d) Über Str. nach.


{Inhaltliche Anmerkungen}

1) Nikolaus Poster [1436-1454], vgl. P. G. Thielen, Die Verwaltung des Ordensstaates Preußen, vornehmlich im 15. Jahrhundert, Köln 1958, S. 137.
2) D.h. bei Herzog Bogislaw IX. von Pommern-Stolp.
3) In Sarnowsky, Fall Schenkendorf, Nr. 24 = js171.htm auch als Bürgermeister von Marienburg; sonst nicht weiter belegt. Vielleicht ist er identisch mit dem auf Ordensseite stehenden Bartholomäus Blume, Bürgermeister Marienburgs während des Dreizehnjährigen Krieges, vgl. u.a. J. Voigt, Geschichte Preußens unter der Herrschaft des Deutschen Ordens, Bd. 8, S. 394.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js/js170.htm) und Datum der Einsichtnahme; (2) im Druck: PrUB, JS 170 (1446 Februar 21. Danzig.)
Bearbeitungsstand: Text eingegeben (Sarnowsky, 6.8.2002) – Datum überprüft (Sarnowsky, 6.8.2002) – Text mit PrUB oder sonst Druck kollationiert (Sarnowsky, 6.8.2002) – Text mit Or. kollationiert () – äußere Merkmale beschrieben (Sarnowsky, 6.8.2002)
 
 
Datum der Erstanlage: Sonntag, 16. Juli 1999 – Letzte Änderung: 6. August 2002 von Jürgen Sarnowsky

Zurück zur Hamburger Homepage   / zurück zur Regestenliste für 1446.