PrUB, JS-JP 68

{Überlieferung}
A = APGd,  368/III, 65.

{Drucklegungen}
Aus A Hansisches Urkundenbuch, Bd. 4 (1361-1392), bearb. v. Karl Kunze, Halle a. S. 1896, Nr. 955, S. 410;
Codex diplomaticus Warmiensis. Regesten und Urkunden zur Geschichte Ermlands, Bd. 3, hg. v. C. P. Woelky, Braunsberg u. Leipzig 1874, Nr. 227.

{Regest}
Volckmann, Katalog des Elbinger Stadtarchivs, S. 21.

{Diplomatische Erörterung des Stücks}
A ist Original mit fünf Siegeln. Auf der Rückseite steht Jon Barath 130 mark.

Noverint universi tenorem presencium visuri et audituri, quod ego Jon Barath de Saltzberg recepi et habui a providis et honestis viris, consulibus Elbingensis civitatis 130 marcas monete terre Prusie, que de anno Domini millesimo trecentesimo 85 in manibus dictorum consulum auctoritate domini magistri generalis terre Prusie fuerunt arestate et per Henricum Luchtu°n consulibus predictis presentate; de quibus 130 marcis predictis ego Jon Barath antedictus fateor, me fuisse et esse bene et plenarie persolutum, ac dictos consules et civitatem predictam de antedictis pecuniis erga dictum Henricum Luchtun vel quoscumque alios indempnes et absque secundaria monicione pro perpetuo servare promitto per presentes omni ficcione postergata. Nos vero concives Elbingenses, videlicet Henricus Troye, Hermannus Lange, Johan de Praga promittimus in solidum manuque conjuncta et quilibet pro toto contentus cum dicto Jon Barath omnia premissa dictis consulibus et civitati predicte bene et inviolabiliter observare, eciam si, quod absit, dictus Henricus Luchtun consules aut civitatem Elbingensem predictam pro antedictis 130 marcis impeteret seu moneret, easque sub consulibus prenominatis reponendas presentibus obligamur. Ego eciam Jon Skorel de Nordewico tamquam ambassiatorum regis Anglie commissarius fateor, me premissis consensum meum dedisse dictosque consules in meo verbo affirmacionis dictas 130 marcas prenarrato Jon Barath benivolencius expedivisse. Et ad majorem evidenciam ac testimonium premissorum nos omnes premissi duximus sigilla nostra presentibus appendenda. Datum anno Domini 1388, 14. die mensis Decembris etc.