PrUB, JS-JP 64

[1388] Oktober 13. Lille.

{Regest}
Herzog Philipp von Burgund an den Hochmeister [Konrad Zöllner von Rotenstein]: bittet vertraulich, die Hansestädte zur Annahme einer Tagfahrt in oder in der Nähe von Flandern zu bestimmen, die er ihnen früher vergeblich vorgeschlagen hat.

{Überlieferung}
B = StA Lüneburg, Briefbuch 1385 - 1414, fol. 34.

{Drucklegungen}
aus B Hansisches Urkundenbuch, Bd. 4 (1361-1392), bearb. v. Karl Kunze, Halle a. S. 1896, Nr. 948, S. 405 - 406.

{Inscriptio} Magnifico ac preclare religionis viro, magistro generali ordinis beate Marie Theutunicorum, amico nostro carissimo.
{Intitulatio} Philippus regis quondam Francorum filius, dux Burgundie, comes Flandrie, Arthesii et Burgundie, palatinus, magnifico ac preclare religionis viro, magistro generali ordinis beate Marie Theutonicorum, amico nostro carissimo, salutem et sincere dileccionis affectum.
Quoniam, vir egregie, nuper scripsimus¹⁾ rectoribus {S. 406} et consulibus civitatum maritimarum de Hanza Theutonica, quarum mercatores patriam nostram Flandrensem frequentavere temporibus retrolapsis, quod, si votis eorum esset gratum et suis utilitatibus crederent expedire, certos diem et locum eligere competentes et congruos in hiis partibus aut confinibus earundem, quibus nostri dictarumque civitatum et patrie nostre deputati possent invicem convenire pro perficiendis tractatibus inchoatis super restauracione dampnorum, que se dicti mercatores in eadem patria nostra sustinuisse dolent et causantur, speramus indubie, nisi per ipsos steterit, tractatus hujusmodi debere feliciter consumari; et quorundam relacione fidedignorum percepimus, quod rectores et consules prelibati in hiis longe majoribus vestris de facili consiliis et exortacionibus acquiescunt, cum sint certi, quod suarum commoditatum libenter procuratis incrementa: vestre dileccioni presencium insinuacione duximus intimandum, ut eisdem significare velitis, prout vestre prudencie videbitur oportunum, quod, si dies hujusmodi in dictis nostris confinibus acceptetur, tenemus veraciter atque firme, quod, nisi mercatores supradicti a racionis limitibus se procul reddiderint alienos, omnes querele veteres sedabuntur et ab eis tolletur penitus quevis occasio ulterius conquerendi.
Que confidenter sic scribimus, nam in majoribus si causis exigeret, vellemus ad vestram instanciam interponere preces nostras, quod opere docebimus, si quitquam in hiis partibus velitis pro vobis nos facturos. Nuncietis ergo nobis, vir preclare, fiducialiter queque grata, et quid super predictis extiterit per vos factum.
{Datierung} Datum in Insulis, die 13. mensis Octobris.

Inhaltliche Anmerkungen:

¹⁾ Vgl. Hansisches Urkundenbuch, Bd. 4 (1361-1392), bearb. v. Karl Kunze, Halle a. S. 1896, Nr. 913, S. 387.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-jp/js-jp64.htm) und Datum der Einsichtnahme; (2) im Druck: PrUB, JS-JP 64 ([1388] Oktober 13. Lille.)
Bearbeitungsstand: Text eingegeben (25. Februar 2002 JPoett) Datum überprüft () Text mit PrUB oder sonst Druck kollationiert () Text mit Or. kollationiert () äußere Merkmale beschreiben ()

Datum der Erstanlage: 25. Februar 2002 Letzte Änderung: 4. März 2002 von Jürgen Sarnowsky

Zurück zur Hamburger Homepage / zurück zur Regestenliste für 1388.