PrUB, JS-JP 50

{Überlieferung}
B = Publ. Record Office London, Parliam. Petitions 11 Rich. II.

{Drucklegungen}
Aus B Hansisches Urkundenbuch, Bd. 4 (1361-1392), bearb. v. Karl Kunze, Halle a. S. 1896, Nr. 912, S. 387;
Rotuli Parliamentorum, ut et peticiones et placita in parliamento, 6 Bde., o.O. o.J. [London 1778-1783], Bd. 3, S. 253b-254a, Nr. 4.

{Diplomatische Erörterung des Stücks}
Parlamentsakten.

(Responsio:) Ordeigne est et assentuz en parlement, qe les biens et marchandisez, qore sont en arest, qe ne purront mye bien estre gardez sanz empirement ou damage, soient deliverez as compleignantz par sufficeantz plegges, cest assavoir chescun de eux pur autre, de restorer la value des ditz biens et marchandises en cas qensi soit ajuggee. Et qant al remenant des ditz biens et marchandises, sils soient divisibles et purront clerement estre divisez, adonqes apres la divise ent faite demoergent; et soient les biens et marchandises de ceux de la seigneurie de Pruys, qe sont ou serront trovez deinz la roialme, desouz arest, et le remenant pleinement deliverez. Et en cas, qe les ditz biens et marchandises ne purront my estre clerement divisez, einz soient tout en comune et nient divisibles, adonqes demorgent touz les biens et marchandises issint arestuz avant en arest, horspris ceux, qe serront delivere par plegges, come desuis est dit. Et en le mesne temps soient lettre du prive seal envoie al mestre de Pruys, de repaier et due redresse faire as marchantz Engleis des arestes et autres tortz et damages a eux fait deinz la seigneurie de Pruys, come reson demande.

¹⁾ Hansisches Urkundenbuch, Bd. 4 (1361-1392), bearb. v. Karl Kunze, Halle a. S. 1896, Nr. 910, S. 386 = PrUB, JS-JP 49.