PrUB, JS-JP 17

{Überlieferung}
A = APGd ...

{Drucklegungen}
Aus A Hansisches Urkundenbuch, Bd. 4 (1361-1392), bearb.v. Karl Kunze, Halle a. S. 1896, Nr. 749, S. 307 - 308.

{Diplomatische Erörterung des Stücks}
Original mit Rest des Siegels.

Honorandis et circumspectis viris, dominis proconsulibus ac consulibus civitatis Dantzik proconsules et consules Rigenses continuam in complacendis voluntatem. Amici speciales dilecti. Vestram scire affectamus honestatem, quod in nostra presencia Hinricus Steenbeke noster dilectus pleno fidedignorum hominum perdemonstravit testimonio, quod medietas istorum triginta sex pannorum Yprensium et duorum frustorum vulgariter balen dictorum Valentinensium pannorum domino Hinrico Sondach nostri consulatus socio, Johanni Bernier et sibi, Hinrico Steenbeken, appertinet proprie et de jure; quos pannos Gobelinus de Zipen felicis memorie sub custodia Johannis Borenberch vestri concivis reposuit retinendos, per eundem Hinricum Steenbeken Brugis emissos. Eopropter^a) idem Hinricus in nostra apparencia fecit, constituit et ordinavit meliori modo, quo potuit, discretum virum Johannem {S. 308} Bernier predictum in suum verum, legitimum ac plenipotentem procuratorem nunciumque specialem ad petendum, extorquendum et acceptandum a Johanne Borenberghe vestro concive dictam prescriptorum pannorum medietatem; vovitque dictus Hinricus Steenbeke, se gratum et ratum perpetuo habiturum omnia et singula, que per dictum Johannem procuratorem facta fuerint in premissis, tamquam per se sua propria faceret in persona. Quare honorandam vestram deposcimus honestatem, quatenus nostri serviminis ob amorem dicto Johanni Bernier vestre promocionis opitulamen adhibere velitis cum effectu, ut memoratam pannorum medietatem prosequi valeat et habere. Id simili forma cupimus remereri. Firmum et securum ad nos nostrasque presentes litteras habeatis ac, cujuscunque interest, habeat respectum, si dicto Johanni procuratori premissa pannorum medietas tradita fuerit vel presentata, inde nulla oriri debeat monicio secundaria quomodolibet in futurum, unde fidejussoriam nobiscum recepimus caucionem. Datum Rige, anno Domini 1382 in vigilia penthecostes, nostre civitatis sub sigillo a tergo appresso in testimonium omnium premissorum.

Textkritische Anmerkungen:

^a) So A.

Inhaltliche Anmerkungen:

¹⁾ Über den Schiffbruch eines Danzigers Hermann Runge bei der Insel Runö siehe das undatierte Schreiben des Bischofs Otto von Kurland (seit 1374) LEKUB 3, Nr. 1104, vgl. T. Hirsch, Danzigs Handels- und Gewerbsgeschichte, Stuttgart 1858, ND Schaan/Liechtenstein 1983, S. 198 Anm. 759.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-jp/js-jp17.htm) und Datum der Einsichtnahme; (2) im Druck: PrUB, JS-JP17 (1382 Mai 24. Riga.)
Bearbeitungsstand: Text eingegeben (13. August 2001 JPoett) Datum überprüft () Text mit PrUB oder sonst Druck kollationiert () Text mit Or. kollationiert () äußere Merkmale beschreiben ()