PrUB, JS-JL 32

1394 Februar 1. Graudenz.

{Regest}
Hochmeister Konrad von Jungingen¹⁾ verfügt, auf welche Weise die Einwohner des Dorfs Wolz die Dämme und Haupte im Werder bauen und in Stand halten sollen.

{Überlieferung}
B = OF 115, fol. 38 [olim Fol. Privilegia Capituli Pomesan, p. 38.]

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 5, 1857, ND Osnabrück 1965, S. 65-66.

{Diplomatische Erörterung des Stücks}
Abschrift.

Wir bruder Cunrad von Jungingen, hoemeister deusches ordens, tun kunt allen dy desen briff seen, horen, adir lesin,
daz wir mit dem erwirdigen in gote vater und herren, hern Johanni bischof czu Pomezan obir eyn komen syn von des temmen wegen in sulchir wise, das sy inwoner unsers dorffis Wolcz sullen halden eren houptam noch hubenczal. Und das obryge teyl bynnen eren greniczen sal man teylen in under dem ganczen werdir noch hubenczal.
Item dy lache sullen sy mit dem ganczen werdir helfen machen ouch noch hubenczal.
Item was houpte czu machen synt bynnen eren greniczen dy sullen sy selber machen. Und vort mit den andirn houptin in dem werdir sullen sy unforworren syn.
Item ertrich, struch und pfele bynnen eren egrenzen {S. 66} buzen tammis und bynnen uff yrem acker sullen sy nicht vorhowen noch wegbrengen sundir hegen czu nutcze des tammis und czu houptin.
Item ap sy yren tam nicht enhilden noch bessirten glich andir temmen noch der tichgesworen geheyse, so sullen dy tichgesworin sy phenden glich andrin luten in dem werdir. Und ap sy sich des wedirthen, so welle wyr, daz der kumpthur czu Grudencz in dorczu sulle helfen.
Dez czu bikentnisse habe wir unser ingesegel an desen briff gehangen.
{Datierung} Gegebin uff unserm huze Grudencz in der iarczal Cristi tusent drihundirt vier und nuenczig in vigilia Purificacionis²⁾.

¹⁾ Hochmeister von 1393 bis 1407.
²⁾ 1394 Feburar 1.