PrUB, JS-FS 21

1384 August 11. Ploczk.

{Regest}
Bischof Stibor von Ploczk verkauft mit Zustimmung von Propst Heinrich, Dekan Abraham und des Domkapitels zu Ploczk dem Hochmeister Konrad Zöllner von Rotenstein und dem Deutschen Orden das Dorf Bärwalde im Kulmer Land (bei Schönsee) für 800 Mark, zusammen mit allen Einkünften sowie geistlichen und weltlichen Rechten; Bischof und Kapitel werden ein Wiederkaufsrecht eingeräumt.

{Überlieferung}
A = Pergament-Urkunden, Schiebl. 75, Nr. 30.

{Drucklegungen}
aus A Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 4, 1853, ND Osnabrück 1965, S. 26-27.

{Regest}
JH II 1118.

{Diplomatische Erörterung des Stücks}
Original-Urkunde mit den Siegeln des Bischofs und Kapitels

{Invocatio} In nomine domini amen.
Noverint universi presentes litteras inspecturi, quod {Intitulatio} nos Stiborius dei et apostolice sedis providencia episcopus ecclesie Plocensis, {Narratio} habito diligenti tractatu cum venerabilibus viris dominis, Henrico preposito, Abrahe decano et capitulo ecclesie nostre Plocensis, ad hoc capitulariter congregatis, discussoque inter nos capitulariter et pronunciato necessitatem ac utilitatem manifestam mense nostre ac ecclesie nostre predicte agitari ad ea, que inferius describuntur, de unanimi consilio voluntate et consensu nostri et capituli nostri predicti pure et simpliciter bona fide, {Dispositio} vendidimus magnifico principi domino Cunrado Czolner de Rotinsteyn magistro generali ordinis beate Marie Theutunicorum suo et ordinis sui nomine ementi villam mense nostre Berwalh sitam in terra Culmensi prope Szonsse cum omnibus reditibus, obvencionibus emolumentis, utilitatibus et iuribus universis, quos vel que de ipsa villa hactenus habuimus vel habere potuimus, transferentes in eundem sui et nomine ordinis sui recipientem villam ipsam et eius proprietatem cum omnibus supradictis iuribus, volentes, ut ipse magister et ordo {S.27} eandem villam cum omnibus iuribus suis predictis habeant eo iure, quo habent alias suas terras, pro octingentis marcis monete et numeri Prussie. Quas quidem octingentas marcas in moneta et numero predictis fatemur et ex certa sciencia presentibus recognoscimus ab ipso domino magistro integre recepisse, renunciantes nostro et ecclesie nostre nomine omni iuri, quod in dicta villa nobis et ecclesie nostre competebat, omni eciam iuri canonico et temporali ecclesiastico vel civili specialiter iuridicenti, alienacionem non tenere, certis sollempnitatibus non servatis, et iuridicenti generalem renunciacionem non valere, omnique accioni in integrum, restitucioni, officio iudicis vel exaccione vel excepcione, ex lesione ecclesie, vel alias competenti, omni eciam excepcioni, et specialiter non numerate non solute non tradite pecunie supradicte, omni eciam accioni et excepcioni decepcionis ultra dimidium iusti precii, et generaliter omni accioni excepcioni iuris canonici vel civilis amminiculo, quibus contra premissam vendicionem facere vel venire possemus directe vel indirecte, publice vel occulte, promittentes nos Stiborius episcopus nostro et ecclesie nostre nomine, nosque Henricus prepositus et Abraham decanus et capitulum ecclesie Plocensis predicte, sine dolo et fraude, bona fide, dictam vendicionem gratam, ratam, firmam et inviolabilem tenere, servare et habere, sub obligacioni omnium bonorum nostrorum ecclesie predicte, et non contravenire quoquomodo, ymmo ipsam contra quemcumque defensare, manutenere et disbrigare propriis expensis nostri, quociens nos simul vel alter nostrum super hoc fuerimus vel fuerit requisitus vel requisiti.
Volumus tamen, sicud et dictus dominus magister nobis promisit, ut quantocumque nobis vel capitulo nostro aut successoribus nostris visum fuerit pro utilitate ecclesie expedire, et dictam villam emere seu reemere voluerimus aut nostri successores voluerint, dictus dominus magister et ordo villam ipsam nobis et ecclesie nostre similiter pro octingentis marcis monete et numeri supradictorum sine dificultate et contradiccione vendere, et postquam ipsam pecuniam receperint, extunc nobis villam omnino sine difficutate et contradiccione dimittere teneantur, non obstantibus quibuslibet renunciacionibus iurium de dicta villa superius per nos factis, tempus reempcionis et solucionis predictam simul una die faciendarum dicto domino magistro et ordini per medium procedentem annum intimare et notifacere teneamur
{Corroboratio} In quorum roboris firmitatem et testimonium presentes litteras conscribi fecimus, nostri et capituli nostri sigillorum munimine roboratas.
{Datierung} Datum apud ecclesiam nostram Plocensem, nobis ut prefertur ibidem capitulariter congregatis, ipsa feria quinta proxima post festum sancti Laurencii martyris gloriosi, anno domini millesimo trecentesimo octuagesimo quarto.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs21.htm) und Datum der Einsichtnahme; (2) im Druck: PrUB, JS-FS 21 (1384 August 11. Ploczk.)
Bearbeitungsstand: Text eingegeben (16. Oktober 2001Frauke Schmidt) - Datum überprüft (7. November 2001 Frauke Schmidt) - Text mit PrUB oder sonst Druck kollationiert (7. November 2001 Frauke Schmidt) - Text mit Or. kollationiert () - äußere Merkmale beschreiben ()

Datum der Erstanlage: 16. Oktober 2001 – Letzte Änderung: 1. Dezember 2001 von Jürgen Sarnowsky

Zurück zur Hamburger Homepage / zurück zur Regestenliste für 1384.