PrUB, JS-FS 18

1384 Juni 14. Marienwerder.

{Regest}
Vertrag zwischen Hochmeister Konrad Zöllner von Rotenstein und dem Herzog Witold von Littauen: Bekanntgabe der Taufe Witolds und der Vereinbarung zwischen dem Herzog und dem Orden über die Rückgewinnung von Witolds Reich, das er zum Dank für die Hilfeleistung vom Orden zu Lehen nehmen soll; damit verbunden ist die zukünftige Hilfe Witolds im Kampf gegen die Feinde des Glaubens und des Ordens; weiter wird die Erbfolge für das Lehen erläutert.

{Überlieferung}
B = [olim StA Königsberg, Fol. Privilegia Teutsch Ordens, p. 251].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 4, Königsberg 1853, ND Osnabrück 1965, S. 22-24.

{Diplomatische Erörterung des Stücks}
Alte Abschrift.

{Intitulatio} Wir Bruder Conrad Czolner etc.
{Inscriptio} thun kont und offinbar alle den dy desin brif sehen adir horen lesin, {Narratio} wy czu eyner czit geschach, daz herczok Witowt von Traken, etwen herczok Kinstutin son in dy Maczow von Littowen entlief, und dy handt von dannen an uns lies werbin, das her sichir czu uns mochte komen. Dy handt gobe wir ym, daz her czu uns quam, do her vaste do etliche wile by uns do waz gewesin, do legte her uns vor claginde sine not, wy her von sinen vettern, als von Jagiln und Skirgaln were gevangin und von sines vater erbe vortreben, und von denselben sinen vettern, syn vater und muter weren getötet. Do gap her sic in gots und yn unser beschirmunge und be- {S. 23} gerte von gote und uns des christenglouben. Do wir sulche gnade von gote an ym dirkanten, daz her des glouben so gancz begernde was, do wurde wirs mit unsern gebietegern czu rote und lisen yn in gotes namen toufen und nanten yn mit namen Wigand. Dor noch was her uns czumutende, und bat uns daz wir ym durch got weder czu synes vatirs riche weren beholflich, daz welde her von uns zcum leen entpfan.
{Publicatio} Des gloube wir ym und bekennen offentlichin in desim kegewirtegin brive, daz wir ym weder helfen wellin als wir vorderste mogin zcu sines vaters riche und yn beschirmen und befredin vor unrechter gewalt, und dor czu ym helfin mit den unsern weder sine vinde, dy weder den christenglouben sint, wo wir kunnen adir mogin. {Dispositio} Durch deser hulfe gabe und lenunge wille, sal uns der vorgenanthe herczok Wigant, sine rechte erben und nochkomelingin pflichtik sin zcu dinen und czu helfin mit den sinen weder alle betruber der cristenheit und anvechter des ordins. Sunderlichin so welle wir noch herczogen Wiganden eygin willekur, ab is got ensmols so fugete, daz der egenanthe herczog sine rchte erben und nochkomelinge ane erben vorschiden, des got nicht engebe, so sol daz riche an uns und unsern ordin gevallin. Geschege is och, das der egen: herczog sine rechte erben und nochkomelinge eyn tochter und keyn son noch erm tode lisen, so sulle wir uns der tochter mit dem riche undirwinden und geben sy mit dem riche noch unser gebiteger rate eym erbarn herren adir manne, der ir ebinbortig sy. Und vorschide denne dy selbe vrouwe, so daz sy kein kint weder son noch tochter mit irm herren lise, so sal das riche glicherweys an den orden erben und der herre sal keyn recht czum riche habin. Von sunderlicher gnade so gunne wir herczogen Segemund, des egenanthen herczogin Wigandis brudir, ap her och czum cristenglouben kere und geschege, des got nicht enwelle, daz herczog Wigand ane erben vorschide, so sal das riche an herczoge Segemundt, an syne rechte erben und nochkomelinge erbin mit dem selben rechte, dinste und hulfe, als is hirvor herczog Wigand czu geschriben steet.
{Corroboratio} Deser dinge czu geczugnisse und czu grossir befestunge, habin wir unser ingesegil an desin brief losen hengin,
{Datierung} der gegebin ist by unserm huse Marienwerder of der Nerge, in der jarczal unsers herren Cristi 1384 am Dinstag bynnen der octaven des Heilgenlichnams.
{Zeugen} Geczug sint unser lieben brudre Cune von Libensteyn groskompthur, bruder Conrot von Walrode obirster marschall, bruder Hinrich Gans obirster trapier und kumptur czu Cristpurg, dy och durch groser sicherkeit ere ingesegil mit unserm willen habin lasin hengen. Vortmer sind deser dinge geczuge bruder Frederich von Egloffstein kompthur czu Balge und voith zcu Notangin, bruder Frederich von Wenden kumpthur zcu Brandinburg bruder Johann Rumpenheym kumpthur zcu Rangnit, bruder Johan von Lorich voith czu Same- {S. 24} lanz, bruder Johan czu Ryne kumpthur zcur Memel und vil andir erbare lute wirdigis geczugnisses.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs18.htm) und Datum der Einsichtnahme; (2) im Druck: PrUB, JS-FS 18 (1384 Juni 14. Marienwerder.)
Bearbeitungsstand: Text eingegeben (15.10.2001, Frauke Schmidt) – Datum überprüft () – Text mit PrUB oder sonst Druck kollationiert () – Text mit Or. kollationiert () – äußere Merkmale beschreiben ()

Datum der Erstanlage: Montag, 15. Oktober 2001 – Letzte Änderung: 17. Oktober 2002 von Jürgen Sarnowsky

Zurück zur Hamburger Homepage / zurück zur Regestenliste für 1384.