PrUB1450.01.29

Erbar besunder liber her^a huwskomtur.

Als ir denne unserm homeister seligen habt geschreben das is euch uff seyn vorschri^eben her in die landt weldet fugen so dach das das also geschege das euch ken euwer obirsten keyne vormerkunge geschege etc. So ist uns homeister undir des vorstorben em got gnade und wyr czweyfelen nicht hettes seyn todt nicht vor komen seyne und euwere meynung weren wol vorgangen und so sichs denne itczunt also hat gefuget. So duncket uns geraten das ir desze dinge bey euch unde in geheyme haldet die dinge in gutter gedolt bis czu der czukunft eyns nuwen homeisters ansteen lasset und uns bynnen des euwere meynunge schribet. So getruwen wirs mit dem nuwen homeister wol czubereden und czubewerben das ir mit eyner gutten gestalt her in her moget konnen.

Gegeben uff unsers ordens howpthusze Marienburg am donrstage nest vor purificacio Marie im 50^ten jore.