PrUB1439.11.10.a

© Jürgen Sarnowsky, Hamburg

1439 XI 10. Danzig.
{Regest}
Danziger Schöffenprotokoll über einen Arrest auf englisches Gut.

{Überlieferung}
A = APGd. 300, 43 [Schöppenbücher], 1b, S. 553.

{Drucklegungen}
aus A Hansisches UB, 7,1, Nr. 513, S. 258.

{Regest}
ebd.

{Diplomatische Erörterung des Stücks}
Schöffenbucheintrag zum Jahr 1439.

Sinter tijt, dat Hans Mekelvelt eyne besettunge hefft gedan up eynes Engelßmannes namen na inboldunge des besettebokes unde de besettungbe gevorderet hefft van dinge to dinge bet to der ladunge, als recht ist, unde eynen ladebreff utgesant hefft, als he sprecht, unde eyn wederbot daraff gekomen is, also he ok sprecht, dat doch nyn wederbot van gehegedem dinge erkant en is unde vorbas ordels gevraget hefft sinter tijt, dat he dat gud in der were nicht en betruwede, so mochte he dat gud ut unwisser were in gewisser were brengen unde in gerichtes dwank, dat em mit ordelen gedelet ist unde dat gud vor 88 geringe mark ut deme gerichte deme gesworen richter vorborget hefft unde jare unde dach umme gekomen is unde noch,jare unde dach umme gekomen is unde he nu ordel to uns settet, dat syne vorborgunge vri syn sal, unde de richter uns umme ordel vraget, so sal syn vorborgunge vri syn alzo vere, alse de gesworen richter vri laten wil, dar se doch kegen vorborget syn. Kan id ymant anders mit ordelen unde myt rechte breken, dar gat umme, als eyn recht is.

Bearbeitungsstand: Text eingegeben (Jürgen Sarnowsky, 30.4.2022) – Datum überprüft () – Text mit PrUB oder sonst Druck kollationiert (Jürgen Sarnowsky, 30.4.2022) – Text mit Or. kollationiert () – äußere Merkmale beschrieben (Jürgen Sarnowsky, 30.4.2022)

Datum der Erstanlage: Samstag, 30. April 2022 – Letzte Änderung: 30. Apil 2022 von Jürgen Sarnowsky

Zurück zur Hamburger Homepage / zurück zur Regestenliste für 1439.