PrUB1437.11.15

Wir bruder Pawel von Rusdorff homeister dewtsches ordens empieten den wirdigen geistlichen mannen, unsern lieben in Got brudern gebietigern, kompthuren, thumherren und sust allen und iczlichen unsirs ordens amptlewten und brudern in Prewssen heyl und luwter liebe in Gote dem herren.

Wirdige, ersame und geistliche liebe in Got brudere, mit eintrechtigem, wolbedachten unsir metegebietiger rathe, wille und volbort haben wir den ersamen herren Jost Strupperger pfleger czu Ossek und ouch den andechtigen herren Nicklos Synten pristerbruder und[e] korherren des covents czu Marienburg, dissen kegenwertigen beweisern, das ampt der visitacien bevolen und bevelen en auch in crafft disser schriffte, so das sie volkomene, gancze macht sullen haben, das, nach unsirs ordens regel, gesetczen und gewonheiten in allen sachen, ordenungen und besteltnissen, die daran gehoren, an allen und iczlichen personen und gleden unsirs ordens in Prewssen in allerley schulden, lasten, schelungen und gebrechen, welcherley die ouch seyn, keyne ungeno[me]n czu uben und czu volfuren. Bittende und ermanende aller unsirs ordens amptlewte und bruder in Prewssen, als wir hogiste und ernste sullen, das sie denselben unsirn visitirern in alle deme, das deme benumpten irem ampte der visitacien czugehoret, seyn gehorsam. Und wenne sie czu en komen, en in allen sachen sich so undertenig willig und gehorsam beweisen, als en denne billich das geboret und sie das lon von Gote und ere, danck und belohnunge von uns begeren czu haben und czu empfohen.

Czu merer sicherheit haben wir unsir ingesigil lassen anhangen dissem brieffe, der ge[ge]ben^a) ist uff unserm huwsze Marienburg am nehsten freytage nach sente Mertens des heiligen bischoffs tage im xiiii^c und xxxvii^ten jare.