Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2384-Collations 20
--> French version
--> Latin version
Enacted by the chapter general at Rhodes 17 November, 1454.
BNCF Ms. Magl. cl. XXXII, 37, fol. 84v.
Item ordinatum est per presens capitulum generale, quod quotienscumque et quandocumque vacabit aliqua preceptoria ad collationem prioris vel castellani Emposte, quod prior sive castellanus Emposte prefati conferret unam preceptoriam alicui preceptori, qui habeat aliquam preceptoriam minoris valoris de cambimento vel gratia quam illa, que sibi conferetur. Ipse preceptor possit resignare [suam preceptoriam] de cambimento, quam habet, vel [de] gratia priori vel castellano, qui habent de ipsa ordinare secundum suum beneplacitum, ita tamen quod, si ille preceptor teneat suam preceptoriam de cambimento, preceptoria sibi collata erit de cambimento, et si de gratia preceptoria sibi data et concessa, erit de gratia prioris sive castellani prefati, salvis tamen iuribus communis thesauri. Etiam collatio facta per priorem sive castellanum dotali [read: de tali] preceptoria erit de gratia prioris sive castellani, non tamen per hoc preiudicando alicui priori sive castellano Emposte et fratribus conventus super aliquibus collationibus inter eos concordatis.
Next Collations 21 | Back to the Contents