Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
384-Collations 20
[o8v]
Frere Jacques de Milly maistre
xx. Que le prieur peult donner commanderie qui appartient à [p1r] sa collation à aulcun commandeur qui resigne sa commanderie la quelle le prieur apres peut donner
Affin que à ung chascun soit donné faveur les grâces se doibvent communicquer, car de tant que le bien est plus commun tant est meilleur. Pourtant nous establissons que les prieurs et chastellain d’Emposte puissent conferir la commanderie vacant, à leur collacion selon la forme des establissemens, à aulcun commandeur qui tiendra commanderie de plus petite valeur. Lequel doye resigner la premiere commanderie en povoir du prieur et doye posseder celle qui luy sera donnée soubz le tiltre que tenoit la premiere. Et le prieur donnera à autre frere la commanderie resignée en son povoir. Et celuy à qui sera donnée la(a) tiengne de grâce du prieur, saulve les droitz du commun tresor.
Next Collations 21 | Back to the Contents