Stabilimenta Rhodiorum militum - Synopsis

based on the older manuscript tradition as well as on the French and Latin versions

© Jyri Hasecker, Hamburg / Jürgen Sarnowsky, Hamburg (2007/2022)

2300-Brethren 27

Enacted by the chapter general at Avignon 5 March, 1367.

BNCF Ms. Magl. cl. XXXII, 37, fol. 42v.
Ad huc nullus frater vel donatus utetur dictis privilegiis [non identifiable] sine licentia magistri vel sui superioris. Et si facient, perdent habitum, et donatus perdet societatem mansionis et mittetur in carceribus.

Cf. the version in the contemporaneous German translation of the Avignonese statutes in Karl Borchardt, Soll-Zahlen zum Personal-Stand der Johanniter vom Jahre 1367, in: Revue Mabillon, N.S. 24 (2003), pp. 83-114, at p. 107 (§27).

Supplemented by the chapter general at Aix-en-Provence 20 May, 1410.

BNCF Ms. Magl. cl. XXXII, 37, fol. 46v.
Quod fratres non faciant citare aliquos ex virtute privilegiorum nostre religionis.
Item est ordinatum, quod propter magnas abusiones privilegiorum et gratiarum donatarum religionis, propter magna damna proventa ipsi religioni, que est in magno periculo perdendi ista privilegia, aliquo non excepto, cuiuscumque existat et status, non faciet citare aliquos virtute illorum privilegiorum, nisi sit bene visum et consultum per priorem et aliquos preceptores et consultores religionis secundum stabilimenta Raymundi Berangerii.

Supplemented again by the chapter general at Rhodes 19 September, 1420.

BNCF Ms. Magl. cl. XXXII, 37, fol. 52r-v.
Quod nullus preceptor uti debeat privilegiis religionis sine licentia.
Item ad obviandum magnis inconvenientibus, que per abusiones privilegiorum religioni concessorum possent in religionem eadem contingere, si contra eorum malitiam et abusum non provideretur de remedio opportuno, stabilitum est et in virtute sancte obedientie preceptum est, quod stabilimentum magistri Raymundi Berengarii – continens quod nullus frater vel donatus religionis uti debeat privilegiis sine licentia magistri aut sui prioris, frater sub pena perditionis habitus et donatus sub pena societatis domus et sub pena carceris – diligenter teneatur et observetur, a dicto tamen prefato stabilimento ad ipsius moderationem, quod, si occureret materia, que celeritatem [lies: celerem] usus dictorum privilegiorum requireret, precipue si huiusmodi frater vel donatus adeo distarent a magistro et a priore, quod sine eorum preiudicio magno super eo licentiam non possent expectare, in hoc casu valeant uti dictis privilegiis per consilium nobilium clericorum religionis [et] consiliariorum. Et ut unicuique fratri hoc fiat manifestum, legatur hoc presens stabilimentum quolibet anno in capitulo provinciali, et pena superius expressa contra oppositum faciens per priores rigide correctioni demandetur.

Next Brethren 28 | Back to the Contents