Stabilimenta Rhodiorum militum - Synopsis

based on the older manuscript tradition as well as on the French and Latin versions

© Jyri Hasecker, Hamburg / Jürgen Sarnowsky, Hamburg (2007/2022)

2286-Brethren 13

Enacted by the chapter general at Montpellier 23 October, 1330.

NLM Arch. 69, fol. 15r.
Item statutum est, quod, cum prior, baylivus, preceptor seu alius frater infirmabitur, ipse vocare debeat fratres duos, probos viros, ex propinquioribus, unum capellanum videlicet et alium, quibus revelare debet sua bona et omnes eius res et illas in scriptis ponere in sua sana memoria. Quod scriptum sigilletur sigillis fratris infirmi et duorum fratrum aliorum. Et si deus de dicto fratre disponat, scriptum illud suo superiori tradatur. Si vero ab infirmitate liberabitur, scriptum sibi redditur. Item precipimus sub virtute sancte obediencie duobus fratribus supradictis, ne revelare debeant res contentas in tali scripto, dum vivet. Et si aliquis ex supradictis dictam ordinationem observare neglexerit, privetur omni administratione per annos decem. Si vero sit frater conventus, fiat de eo planta et per iusticiam domus ducatur. Et si frater aliquis, cuiuscumque conditionis existat, manus eiciat in res fratris infirmi prefati, fiat de eo planta, per quam societatem domus perdat. Baylivus tamen potest eum ad illam post mortem fratris restituere. Si autem frater infirmus ordinationem pretactam non curaverit observare, cum sanabit, fiat de eo planta tamquam de inobediente et proprium habente.

Cf. the French version of the acts of the chapter general in C. Tipton, The 1330 Chapter of the Knights Hospitaller at Montpellier, in: Traditio 24 (1968), pp. 293-308, at p. 306.

Next Brethren 14 | Back to the Contents