Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
286-Freres 13
[m1v]
Frère Elyon de Villenove maistre
xiii. Que les frères malades sont tenuz de manifester leurs biens à deux frères
Ce que noz frères tiennent et possedent appartient à nostre religion. Et pourtant les frères malades sont tenuz et obligiez par obéissance appeller à eulx deux frères preudommes des plus prouchains lieux ou sont(a) malades desquelz l’un soit chappellain se(b) porra entrevenir et l’autre de bonne condicion. Ausquelz deux doye manifester tous les biens, utensilles, denier et choses que tient, lesqulz soient mises en escript et après soient sellées du seel [m2r] du frère malade et desdiz deux frères en présence desquelz sont escriptes. Et que ledit escript soit présenté à iceluy qui a l’administracion et procuracion du trésor. Et se le frère tournera en santé ledit escript luy soit restitué. Et ne soit licite à aulcun frère en peine de desobéissance de ceulx qui seront présens de reveler les choses qui seront escriptes vivant le frère. Et s’ilz feront le contraire soient privez incontinent par l’espace de dix ans de l’administracion des commanderies. Et se contrefaisant est frère couventual soit de luy faicte plaincte et mené par la justice de la religion. Et se esditz biens de la despouille aulcun frère, de quelque condicion qu’il soit, metra la main ou prendra aulcunes choses que de luy se face plaincte et soit privé de la compaignie des frères de nostre orde. Et se le frére malade(c) desprisera complir lesdites choses, quant sera retourné en santé se face plaincte de luy et soit mené comme inobédient par la justice de la religion pource qu’il aura contre le veu de pauvreté volu appoprier à luy les biens et iceulx n’aura volu manifester.
(b) Missing.
(c) Missing.