Stabilimenta Rhodiorum militum - Synopsis

based on the older manuscript tradition as well as on the French and Latin versions

© Jyri Hasecker, Hamburg / Jürgen Sarnowsky, Hamburg (2007/2022)

2282-Brethren 9

Enacted by the chapter general at [Acre], 27 September, 1283.

NLM Arch. 69, fol. 10v.
Hii sunt casus, propter quos fratres societatem domus perpetuo perdunt. […]
Primo, si fratris heresis fuerit nota. Item, si ipse se transfert ad Sarracenos. Item, si (quod) ipse sit sodomita probetur [lies: probatus]. Item, si ipse dereliquit vexillum domus et fratres in bello Sarracenorum. Item, si castrum tradat sine superioris licencia Sarracenis, et omnes, qui illud consulebunt sibi, perdant habitum. Verumtamen hoc magistri et procerum noticie relinquatur. Item, quicumque exibit per aliam partem quam per portam castri siti in confine Sarracenorum. Est insuper statutum, quod, qui ter relinquerit societatem domus sponte, ut ad aliam se transferat religionem, sibi licencia concedatur, et non possit nostram recuperare. Item, quicunque frater, equester seu pedester, intendet disrobationi in factis armorum, habitum perdat, quem recuperare possit minime intra annum. Item, quicunque frater acusabit fratrem de aliquo casuum predictorum se illud offerens ad probandum, et illud probare nequiverit, habitum perdat et societatem domus, quam recuperare intra annum non possit. Preterea sint in discrecione magistri et procerum et sui baylivi omnes acusaciones quecunque, preterquam in casibus supradictis. Antiqua etiam statuta loquencia de acusacionibus de alio faciendis permaneant in sui roboris firimitate.

Already printed in Cart., 3, no. 3844, pp. 452f., §§9-14, according version in BNCF Ms. Magl. cl. XXXII, 37, fol. 15r, without the threat of punishment against sodomites, but the text there is corrupt.

Next Brethren 10 | Back to the Contents