Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2258-Priors 9
--> French version
--> Latin version
Enacted by the chapter general at Rhodes 19 September, 1420.
BNCF Ms. Magl. cl. XXXII, 37, fol. 48v.
Quod priores et preceptores valeant punire fratres cappellanos in prioratibus et preceptoriis eorum.
Item si (per priorem sienda fieri) fratres cappellani ultra mare se comporte[n]t inhoneste vel non facie[n]t debitum suum in divino officio, cum prior ecclesie, ad quem spectat eorum correctio, est hic continue neque per eum bene posset provideri ipsorum correctioni quotiens opus fuerit, stabilitum est, quod priores in prioratibus suis et preceptores in suis preceptoriis habeant dictorum fratrum cappellanorum correctionem, totiens quotiens ipsi deficerint in premissis, quemadmodum prior ecclesie in conventu. Qui cappellani prius per priores aut superiores suos super eorum correctionem admoniti, et [read: si] in suis defectibus perseveraverint, valeant et possint per supradictos vel suos superiores pervenire [read: punire] quemadmodum rectores, milites et servientes ipsius religionis.
Supplemented by the chapter general at Rhodes 23 April, 1433.
BNCF Ms. Magl. cl. XXXII, 37, fol. 62r.
Quod prior ecclesie possit, ubi presens erit, punire fratres cappellanos
Item (sunt) per predecessorem nostrum fratrem Philibertum de Nailliaco sacre domus nostre religionis magistrum fuit stabilitum et ordinatum, quod, si fratres cappellani ultra mare se inhoneste gererent vel non facerent suum debitum in officio divino, quia prior ecclesie, cui pertinet ipsorum correctio extat et [read: hic] continue [et] non bene posset providere ad correctionem ipsorum totiens quotiens opus esset, (quod) priores in suis prioratibus et preceptoriis suis preceptores habeant correctionem ipsorum fratrum cappellanorum, quotiens ipsi deficient in supradictis, sicut hic prior ecclesie; qui cappellani primo muniti [read: admoniti] per priores vel alios superiores se corrigendi, si perseverent in suis defectibus, possint ipsos punire dicti priores vel alii superiores ut aliter fratres milites vel servientes religionis, declaratum est per presens generale capitulum et ordinatum, quod dictum stabilimentum non possit nec debeat derogare preheminentie dicti prioris ecclesie et intelligendum, quod, ubi presens erit, dictos fratres cappellanos possit corrigere et etiam ecclesias in divino reformare officio, si defectus esset.