Stabilimenta Rhodiorum militum - Synopsis

based on the older manuscript tradition as well as on the French and Latin versions

© Jyri Hasecker, Hamburg / Jürgen Sarnowsky, Hamburg (2007/2022)

2237-Bailiffs 35

Enacted by the chapter general at Rhodes 4 November, 1462.

BNF Ms. franç. 17255, fol. 144v-145r.
De la créacion et institucion du chancellier nouveau bailly.
Se rejouisse nostre religion et relcessent tous les religieux dicelle car la flagicieuse dessidence qui la préça avoit esté en icelle religion est tirée defore, laquelle divisoit le couvent de Rodes et les vii langues dicelluy avec les nacions et qui estoit en péril de faire grans discors, ce que par l’aide celestial avons de présent décrète sopit et anniiellé. Et pour ce que – aprez diutise et tedieuse inquisicion de concorde affin que paix perpétuelle soit ondit ordre et que toute scandale se départe dicelluy – par l’auctorité de ce présent chapitre général avons estably et ordonné ung bailly conventual qui soit et doit estre le viiie, et après les aultres vii bailliz conventualx dicelluy convent ait le dernier lieu et place. Lequel nouveaul bailly premièrement oste le nom de frère Melchion Bandin de chancelier nommerons chanchelier. Et icelluy bailly dessusdit chancelier nommé doie jouir et user des gaiges des bailliz dudit couvent. Laquelle dignité de nouveaul bailliage assignons perpétuellement à la vénérable langue d’Espaigne laquelle nous divisons en deux langues constitutés soubz une auberge pour ce que icelle nacion d’Espaigne de présent est moult fornie de frères chevaliers et moult utile à nostre religion. Non préjudicant toutesfoiz par ceste institucion de ce nouveaul bailly et division dicelle langue dessusdicte à noz honneurs, dignités et prééminencez, prérogatives et utilités des aultres baillis conventuaulx et des langues diceulx et du trésorier général dicelle langue de France auquel de son office appartient par institucion de chapitre général de garder la bulle commune de fer, mais aincois les choses dessusdictes seront de plus grant vertu, en revocant et du tout annullant mesmes du commun assentement de tous les frères dicelles langues quelxconques escriptures, lectres ou bulles de provision ou obligacions jadiz faictez, par quelque manière que ce soit, pour raison des discordes estans entre lesdictes vii langues, non obstans quelconques establissemens, coustumes, usaiges et natures dudit ordre et aultres choses dudit ordre et aultres choses quelconques faisans au contraire.

Text in BNCF Ms. Magl. cl. XXXII, 37, fol. 122r-123r, Italian.

Next Bailiffs 36 | Back to the Contents